Касильяс негізгі құрамға оралады

Касильяс негізгі құрамға оралады

Мадридтік «Реалдың» бас бапкері Карло Анчелотти команданың оқу-жаттығу жиындары өтетін спорттық кешенінде тілшілердің көп сұрағына жауап берді. Баспасөз мәслихатында Икер Касильястың негізгі құрамға оралуы жайлы да сұрақтар қойылды.

Әлемге танымал қақпашы туралы бапкер Карло Анчелотти: «егер корольдік клуб Чемпиондар Лигасының финалына шығатын болса, Икер Касильяс негізгі құрамда өнер көрсетеді», - деді.

Естеріңізге сала кетсек, қазіргі таңда мадридтік клубтың қақпасын Ла-Лигада Диего Лопес қорғап келеді. Бұл қақпашы да өзінің тәжірибелі екенін байқатып-ақ жүр. Ал Касильяс бапкер шешімімен тек Чемпиондар Лигасы мен Испания Кубогында негізгі құрамда алаңға шығуда.

Дайындаған: Өмірбек Сансызбай

Сурет: eurosport.ru 

Ө. Сансызбай