Африканың үздік футболшысы анықталды

Кот-Д'Ивуар мен ағылшындық «Манчестер Сити» командасының жартылай қорғаушысы Яя Туре үшінші жыл қатарынан Африка футбол қауымдастығы жүйесі бойынша үздік футболшы болып танылып отыр.

30 жастағы футболшы дауыс беру нәтижесі қорытындысы бойынша жерлесі Дидье Дрогбаны, «Челси» командасының нигериялық ойыншысы Джон Оба Микелді артта қалдырды. Ол 2013 жылы манчестерлік командамен бірге ағылшын премьер-лигасының күміс жүлдесіне қол жеткізсе, ұлттық құрамасының Бразилияға барар жолында аянбай тер төкті.

Айта кетейік, осыған дейін Яя Туре британдық ВВС медиакорпорациясының нұсқасы бойынша 2013 жылдағы Африканың үздік футболшысы болып танылған болатын.

Дайындаған: Өмірбек Сансызбай

Сурет: eurosport.ru