Яя Туре: «Барселона» бізден қорқады

«Манчестер Сити» командасының жартылай қорғаушысы Яя Туре 18 ақпан күні Чемпиондар Лигасының 1/8 финалындағы «Барселонамен» өтетін кездесу алдында өз ойын жеткізді.

- «Барселона» бізден қорқады. Премьер-лигада «Манчестер Сити» керемет өнер көрсетіп келеді. Біз алаңымызда ешкімге есе жібермейміз. Біздің команда өз жүйесін өзгертті. Енді шабуылды басты назарда ұстауға тиіспіз. Дегенмен бұл аса қауіпті кездесу болса да, көбірек гол соғып жеңудің жолын іздейтін боламыз – деді ивуарлық футболшы.

Естеріңізге сала кетсек, соңғы турда Мануэль Пеллегрини шәкірттері сырт алаңда «Фулхэмді» тізе бүктіріп, премьер-лиганың үшінші сатысына жайғасқан болатын. 

Дайындаған: Өмірбек Сансызбай

Сурет: vk.com