Бүгін футболдан 2014 жылы Бразилияда өтетін Әлем чемпионатының жеребесі тартылады. Жалпақ дүние тынысын тарта күткен салтанатты кешті «KazSport» және «Қазақстан» Ұлттық арналарынан тікелей эфирде көре аласыздар.
ФИФА осыған дейін «мундиальдың» жеребесі алдындағы ұлттық құрамалардың себеттерге бөлінуіне өзгерістер енгізгені туралы хабарлаған едік. Ал кеше жеребе алдындағы дайындық кезіндегі сында төмендегі ұлттық құрамалар бір топқа түсті. Бүгін бұл жеребе қайталанып қалмасына кім кепіл?
"A" тобы: Бразилия, Франция, Аустралия, Италия;
"B" тобы: Уругвай, Нигерия, АҚШ, Хорватия;
"C" тобы: Аргентина, Гана, Коста-Рика, Ресей;
"D" тобы: Швейцария, Чили, Жапония, Грекия;
"E" тобы: Испания, Кот Д’Ивуар, Оңтүстік Корея, Англия;
"F" тобы: Колумбия, Камерун, Гондурас, Нидерланды;
"G" тобы: Германия, Эквадор, Иран, Португалия;
"H" тобы: Бельгия, Алжир, Мексика, Босния және Герцеговина.
Ал «футбол королі» Пеле жеребе тастау рәсімінде негізгі қызметті атқарудан бас тартты. Ол жеребе тастау сәтінде ұлттық құрамаға сәтсіздік жолдас бола ма деген қорқынышын жеткізді. Енді аты аңыз футболшының орнына Зиннедин Зидан, Кафу және Фавио Каннаваро жеребе тастау рәсімінде шарларды араластыру қызметін атқармақ.
Дайындаған: Өмірбек Сансызбай
Сурет: aladop.kz