Месси "Алтын бутсыны" иеленді

Месси "Алтын бутсыны" иеленді

Каталондық «Барселона» командасының шабуылшысы Лионель Месси үшінші рет «Алтын бутсыны» иеленді. Бұл марапат Еуропадағы чемпионаттарда бір маусымда ең көп гол соққан мерген ойыншыға беріледі.

2012/2013 жылғы маусымда аргентиналық футболшы Ла-Лигада 46 гол соқты. Ал әр біріншіліктің өзінің коэфиценті белгіленеді. Испания Ла-Лигасында Месси 96 ұпайменен бұл тізімде көшті бастады. «Алтын бутсыны» сұрмергенге кезінде «Барселона» намысын қорғаған болгарлық шабуылшы Христо Стоичков табыстады.

Ал өз кезегінде Месси Marca басылымына:«Менің өмірім «Барселонамен» байланысты. Осында спорттық мансабымды да аяқтаймын. Қазір біз дұрыс жолмен келе жатырмыз. Ал Аргентинамен Әлем чемпионатын жеңіп алсам деймін» - деді.

Естеріңізге сала кететін болсақ, Месси «Алтын бутсыны» үш рет иеленген жалғыз футболшы. Ол осыған дейін 2009/2010 және 2011/2012 маусымдарда да үздік сұрмерген атанған болатын. 

Дайындаған: Өмірбек Сансызбай

Сурет: booster.ru




ОҚИ ОТЫРЫҢЫЗ

Соңғы жаңалықтар

Marhaba Sabi - Marsqa
NINETY ONE - QIYALMAN