«Арландар» маусымды сәтті бастады

«Арландар» маусымды сәтті бастады

Алматыдағы «Almaty Towers» бизнес кешенінде әзірбайжандық «Baku Fires» клубын қабылдаған «Astana Arlans» қарсыластарын 4:1 есебімен жеңіп, маусымды сәтті бастады.

Жерлестеріміздің сапынан алғаш болып Дүниежүзілік бокс сериясының (WSB) төртінші маусымын Анвар Мұзапаров (Astana Arlans) пен әзірбайжан Хамза Наметов (Baku Fires) ашты. 49 келідегі боксшылар арасында алғашқы раундтарда мықтыны анықтау оңай болмады. Дегенмен 5 раунд қорытындысы бойынша әзірбайжандық боксшының мысы басым болып шықты.

Екінші болып шаршы алаңға көтерілген 56 келідегі Бағдад Әлімбеков қарсыласы Магомед Гурбановты сенімді түрде жеңді. Бес раунд қорытындысы бойынша төрешілер 3:0 (49:46, 48:47, 48:47) есебімен жерлесімізді жеңімпаз таныды.

Үшінші болып рингке көтерілген 64 келідегі Асхат Уалиханов әзірбайжан Осман Алиевті алғашқы минуттардан-ақ қыспаққа алып, жеңіске бастар жолды таба білді. Осылайша Асхат «Арландарды» 2:1 есебімен алға шығарды.

«Astana Arlans» клубының 75 келідегі украиналық легионері Сергей Деревянченко Николай Веселовты 4-ші раундта техникалық нокаутпен жеңіп, жерлестерімізге жеңісті алдын-ала сыйлады.

Ауыр салмақта шаршы алаңға көтерілген Василий Левит әзірбайжан Абдулқадір Абдуллаевты сенімді түрде жеңіп, «Арландардың» 4:1 есебімен жеңіске жетуіне себепкер болды.

Енді «Astana Arlans» келесі кездесуін 23 қараша күні ресейлік «Russian Boxing» клубымен өткізеді.

Дайындаған: Өмірбек Сансызбай

Сурет: inform.kz 

Бөлісу:
Пікір қалдыру үшін сайтқа кіріңіз
Өзгерту

Соңғы жаңалықтар

Фэнтези жанрындағы үздік 100 кітап
Фэнтези жанрындағы үздік 100 кітап
"Үркерде" үздік шыққан 3 фотосурет тарихы
"Үркерде" үздік шыққан 3 фотосурет тарихы
Француздар нағыз Парижді танытатын фильмдерді атады
Француздар нағыз Парижді танытатын фильмдерді атады
Жаңа табылған дене мүшесінің қызметі қандай?
Жаңа табылған дене мүшесінің қызметі қандай?
ЮНЕСКО қорғауындағы әлемдік мәдени мұралар
ЮНЕСКО қорғауындағы әлемдік мәдени мұралар
Тіс неге сарғаяды?
Тіс неге сарғаяды?