Хашим Мастур - әлемдегі ең талантты футболшы

Хашим Мастур - әлемдегі ең талантты футболшы

«Милан» футбол клубының 15 жастағы шабуылшысы Хашим Мастур әлемдегі ең жас талантты футболшы болып танылды. Бұл туралы footballbettingodds сайты хабарлап отыр.

Алаңда шабуылға ден қоюшы жартылай қорғаушы қызметін атқаратын Хашим Мастур Италия азаматтығын алған тегі марокколық талантты футболшы. Ол «Миланға» өткен жылы «Реджана» клубынан ауысып келген болатын.

Миландық команданың жас талантты футболшысы Wonderkids-2014 қорытындысы бойынша, 20 жастағы «Шальке-04» командасының талантты футболшысы Юлиан Дракслерды, 19 жастағы «Андерлехт» командасының жартылай қорғаушысы Деннис Пратты басып озды. Ал рейтинг нәтижесінде лондондық «Челси» командасы көш бастап тұр. Олардың сапынан 7 бірдей талантты футболшы тізімге енген. Одан кейінгі орындарға «Барселона» (6 футболшы) және «ПСВ» (5 футболшы) командалары жайғасқан.

Дайындаған: Өмірбек Сансызбай

Сурет: horde.me