Головкин 400 мың доллар сыйақы алатын болды

Головкин 400 мың доллар сыйақы алатын болды

Орта салмақтағы WBA/IBO тұжырымдары бойынша әлем чемпионы қазақстандық кәсіпқой боксшы Геннадий Головкин осы аптада америкалық Кертис Стивенске қарсы өткізетін кездесуінен кейін сыйақы ретінде 400 000 АҚШ долларын қалтасына басады, деп хабарлайды Boxingnews.com.ua. Ал бруклиндік боксшы Стивенске 290 000 доллар тиеді.

Одан бөлек, осы бокс кешінде рингке көтерілетін басқа да боксшылардың сыйақылары белгілі болды: Магомед Абдусаламов, Ресей (40 мың доллар) – Майк Перес, Куба (30 мың доллар), Ола Афолаби, Ұлыбритания (20 мың доллар) – Лукаш Яник, Польша (20 мың доллар).

Қазақстандық боксшы өзінің соңғы өткізген жекпе-жегінде британдық Мэттью Маклинді үшінші раундта нокаутқа жіберіп, жеңіске жеткен болатын. Ал Кертис Стивенс болса, 4 тамызда мексикандық Сауль Романмен болған кездесуде қарсыласын бірінші раундта-ақ құлатып, жеңімпаз атанды.  

Осылайша Геннадий (GGG) Головкин осы күнге дейін 27 рет рингке көтеріліп, оның барлығында да жеңіске жетсе, 24-ін уақытынан бұрын аяқтады. Стивенстің еншісінде 25 жеңіс (18 нокаут) және үш жеңіліс бар.  

Естеріңізге тағы да сала кетсек, Нью-Йорктің Madison Square Garden спорт кешенінде өтетін Головкин мен Стивенс арасындағы жекпе-жекті KazSport телеарнасы тікелей эфирден көрсетеді. Бокс кеші 3 қараша күні Астана уақыты бойынша таңертеңгі сағат 7.00-де басталады. 


Дайындаған: Болат Қосмағамбет

сурет: allboxing.ru

Бөлісу:
Пікір қалдыру үшін сайтқа кіріңіз
Өзгерту

Соңғы жаңалықтар

Open Culture – 1500 пайдалы курс топтастырылған сайт
Open Culture – 1500 пайдалы курс топтастырылған сайт
Тарихтағы ең ірі галактикалар қақтығысы
Тарихтағы ең ірі галактикалар қақтығысы
Темекіні тастауға итермелейтін 12 дерек
Темекіні тастауға итермелейтін 12 дерек
Сіз туралы әтір сөйлесін
Сіз туралы әтір сөйлесін
НУ ғалымдары "ұйқы ауруына" шалдыққан Калачи ауылының құпиясын ашуға жақын
НУ ғалымдары "ұйқы ауруына" шалдыққан Калачи ауылының құпиясын ашуға жақын
"Барымташылар. Уақыт жолы" фильмі Францияда көрсетіледі
"Барымташылар. Уақыт жолы" фильмі Францияда көрсетіледі