Бэйл

Бэйл "Реалдан" кетуі мүмкін

Футбол тарихындағы ең қымбат трансфер көлемінде мадридтік «Реал» сапын толықтырған валийлік Гарет Бэйл алдағы жазда ағылшын премьер-лигасына қайта оралуы мүмкін. Бұл туралы испан басылымдары жарыса жазуда.

The Sunday Times басылымы 24 жастағы жартылай қорғаушыға «қызыл сойқандар» қызығушылық танытып отырғанын жазады. Ағылшын премьер-лигасының 2012/2013 маусымдағы жеңімпаздары Гарет Бэйлды алдағы жазда өз құрамынан көргісі келеді екен.

Соңғы кезде «корольдік клубтың» президенті Флорентино Перес 100 миллион евроға алған футболшысы алаңда өзін толық көрсете алмай жүргенінен кейін, испан БАҚ өкілдерінің үлкен қысымына ұшырауда. Әсіресе сенбі күні өткен «Эль-Класикодан» кейін Бэйл мен Неймарды салыстыра жазылған мақалалар саны жаңбырдан соңғы саңырауқұлақтай қаптап шыға келді.

Marca басылымы: «Бразилиялық футболшы кездесуде керемет ойнады. Ал валийлік алаңда мүлде көрінбеді. Бар-жоғы белгісіз де болды» деп жазса, sport.es порталы: «Неймар «Эль-Класиконың» алғашқы кездесуінде Бэйлдан мықты екенін көрсетті. Екеуінің ойыны күн мен түндей дәрежеде болды» деп жазады.

«Манчестер Юнайтед» басшылығы алдағы уақытта бұл жағдайдың түйінін шешіп, 2014 жылы Гарет Бэйлды өз құрамына қосуға барын салып көрмек.

Дайындаған: Өмірбек Сансызбай

Сурет: sport.es

Бөлісу:
Пікір қалдыру үшін сайтқа кіріңіз
Өзгерту

Соңғы жаңалықтар

Итбегілік – бабадан қалған асыл мұра
Итбегілік – бабадан қалған асыл мұра
Бас неліктен ауырады?
Бас неліктен ауырады?
Ағылшын сөздерінің екінші мағынасын білесіз бе?
Ағылшын сөздерінің екінші мағынасын білесіз бе?
Қалай жатып ұйықтаған дұрыс?
Қалай жатып ұйықтаған дұрыс?
Димаш саундтрегін орындаған Джеки Чанның жаңа фильмі шығады
Димаш саундтрегін орындаған Джеки Чанның жаңа фильмі шығады
Су добының саңлағы
Су добының саңлағы