Кумыков пен Пасулькоға не жетпеді?

Кумыков пен Пасулькоға не жетпеді?

Кеше ел  премьер-лигасының ХХІХ тур аясындағы ең соңғы кездесу қарағандылық «Шахтер» мен «Ордабасы» арасында өтті. Кездесу соңы қос бапкердің жанжалымен аяқталған...

Ел премьер-лигасындағы екі ұжым да соңғы кездесулерінде сәтсіз ойнап келеді. Ал осы турда бір-бірімен жолыққан футбол ұжымдары өзара мықтыны анықтаған-ды. Кездесуде қарағандылық команда 3:0 есебімен қарсыласын ойсырата жеңген еді. Енді осы кездесу соңынан бір даудың төбесі көрініп отыр. Ол – қос команда бапкерлерінің жанжалы...

Шымкенттік команданың бас бапкері Виктор Пасульконың мәлімдеуінше, оқиға «Ордабасы» командасы автобусқа мініп, қонақүйге беттеуге қозғалар сәтте орын алған. Алдыңғы орындықта отырған бапкерді «кеншілер» ұжымының бас бапкері Виктор Кумыков келіп, жұдырықпен қойып қалған. Жергілікті команда тізгінін ұстаған маманның мұндай қадамға баруын Виктор Пасулько кездесу соңындағы пресс-конференцияда айтылған командаға сынымнан болса керек-ті дейді. Сонымен қатар, кездесу алдында Виктор Кумыковтың алкогольді ішімдік ішіп шыққанын да сездім деп отыр.

Алдағы уақытта «Ордабасы» командасының бас бапкері ел футбол федерациясына арыз жазбақ.

-Мұндай оқиғаны ескерусіз қалдыруға болмайды. Ол бүгін Қазақстандағы премьер-лига бапкерлеріне қол жұмсайды, ал ертең шет ел клубтарымен ойнағанда ше? Мен футболдағы мансабымда мұндайды көрмеппін. Бұл туралы Еуропа еститін болса, Қазақстанға күлетін болады.

Аталған оқиғаға байланысты «Шахтер» командасының бас бапкері де sports.kz-ке түсіндірме берді:


-Ол пресс-конферецияда менің командам жайлы жағымсыз сөздер айтты. Мен оған жай ғана менің командама араласпауын, өз тірлігімен айналысуын ескерттім. Егер мен оны соққыға жыққан болсам, ол сұхбат бермес еді.

Ал «Шахтер» командасының спорттық директоры Ұлықбек Асанбаев: «Егер Кумыков Пасульконы жұдырығымен ұрар болса, «Ордабасы» командасының бапкері жан сақтау бөлімінен бір-ақ шығар еді» деп отыр. Тек екі команда бапкерлерінің түсініспеушілігі ғана орын алды деген қорытынды жасауда.

Не де болса, ХХІХ турдан кейін дауға айналған жанжалдың ақ-қарасын алдағы уақытта көре жатармыз. Әзір бұл іспен Қазақстан футбол федерациясының тәртіптік қадағалау комиссиясы айналысуда.

 Дайындаған: Өмірбек Сансызбай

Сурет: kff.kz

Бөлісу:
Пікір қалдыру үшін сайтқа кіріңіз
Өзгерту

Соңғы жаңалықтар

Жүрекке пайдалы азық-түліктер
Жүрекке пайдалы азық-түліктер
Қазақстанның екі табиғи қорығы ЮНЕСКО-ның биосфералық резерваты тізіміне енеді
Қазақстанның екі табиғи қорығы ЮНЕСКО-ның биосфералық резерваты тізіміне енеді
Елде жалдамалы жұмысшылар құқығын қорғайтын заң мақұлданды
Елде жалдамалы жұмысшылар құқығын қорғайтын заң мақұлданды
Арктика мұзы 2050 жылдары жойылып кетеді
Арктика мұзы 2050 жылдары жойылып кетеді
Балалар әдебиетінің 20 әлемдік бестселлері қазақ тіліне аударылады
Балалар әдебиетінің 20 әлемдік бестселлері қазақ тіліне аударылады
Қазақстанда АӘК алушылар азайды
Қазақстанда АӘК алушылар азайды