"Манчестер Юнайтед" Суперкубокты иеленді (видео)

"Манчестер Юнайтед" Суперкубокты иеленді (видео)

"Манчестер Юнайтед" тізгінін ұстаған Дэвид Мойес алғашқы жүлдесіне қол жеткізді. Финалда "қызыл сойқандар" сапынан Робин ван Перси екі бірдей допты еншісіне жазып, "Уиганнан" басым түсті. 

Ағылшын Суперкубогын сарапқа салған қос ұжым арасындағы кездесу дәстүрлі "Уэмбли" стадионында өтті. "МЮ" командасы 7 минутта-ақ есепті ашып үлгерді. Патрис Эвраның әуелете тастаған пасын Робин ван Перси баспен қақпаға дәл бағыттап, қақпа торын тулатты. Нидерланды құрамасының шабуылшысы екінші таймда дубль авторы атанып "қызыл сойқандарға" жеңіс сыйлады. 

Манкуниандық ұжым финалда "Уиганды" жеңуі арқылы өзінің 20-шы Суперкубогына қол жеткізіп отыр. 

Дайындаған: Өмірбек Сансызбай

Сурет: sport-lx.com

Ө. Сансызбай