Футзал мен мини-футболдың айырмашылығы неде?

Футзал мен мини-футболдың айырмашылығы неде?

Ертең, яғни 26 сәуір күні Алматы қаласында футзалдан жылдың басты айқасы басталады. "Алматы Арена" әлемнің төрт үздік командасының басын қоспақ.

Атап айтар болсақ: Португалияның "Спортингі", Испанияның "Интері" мен "Барселонасы" және ел үмітін арқалап отырған "Қайрат" ұжымы. Өз топтарынан үздік нәтиже көрсетіп, ақтық сынға жолдама алған бұл төрт команда УЕФА Чемпиондар лигасының кубогы үшін таласады.

Бұл спорт түрін бұрыннан бақылап жүрген жанкүйерлер футзалдан бөлек мини-футбол бар екенін біледі. Алайда футболдан жақсы хабары барлардың өзі футзал мен мини-футболдың айырмашылығын біле бермейді. Көбінесе екеуін спорттың бір түрі деп шатысады.

Осы олқылықтың орнын толтырып көрейік. Футзал мен мини-футболдың айырмашылығы неде?

Ең біріншіден жарысты қай ұйымның өткізіп жатқанына мән беру қажет. Халықаралық футзал қауымдастығы (AMF) залда өтетін жарыстарды ұйымдастырса, ашық алаңда өтетін турнирлерге Халықаралық футбол федерациялары қауымдастығы (FIFA) жауапты. Алғашқы айырмашылық - жарыстың ұйымдастырушысы мен ойнайтын орны.

Ал бұл екі спорт түрінің ережелері бір-біріне ұқсас келеді. Алаңның көлемі, ойыншылар саны, тәртіп сияқты. Допты ойынға қосу, қақпашыға пас беруде сәл-пәл айырмашылық бар. Мысалы, футзалда ауттан допты қолмен, ал мини-футболда аяқпен қосады.

Чемпиондар лигасы. Әлемнің үздіктері Алматыда бас қосады

Футзалда ойыншылар өз алаңында 15 секундтан артық бола алмайды, ал мини-футболда мұндай ереже жоқ. Сондай-ақ, біреуінде қақпашыға бір мәрте ғана пас бере алса, екіншісінде шектеу болмайды. Мини-футболда қақпашы допты өз алаңында 4 секундтан артық ұстай алмайды.

Екі спорт түрінде ойыншыларды жазалау да әр түрлі. Мини-футболда төреші ойыншыны 2 минут қана алаңнан қуса, футзалда көк қағаз алған ойыншы бірден әріптесімен ауысуға мүмкіндігі бар. Дегенмен ұқсас тұстарын айта кету керек. Әр команда 5 ереже бұзғаннан соң оның қақпасына дабл-пенальти (9 метр футзалда, 10 метр мини-футболда тағайындалатын айып добы) белгіленеді. Тағы бір маңызды тұс бұл - доп. Футзалда доптың диаметрі 29-30 сантиметр болса, мини-футболда - 31-32 см.

Міне, мини-футбол мен футзалдың айырмашылығы осыда. Дәл қазір әлемнің 33 елінде футзал ресми спорт түрі саналса, мини-футболды 160 мемлекетте ойнайды.

Бөлісу:
Пікір қалдыру үшін сайтқа кіріңіз
Өзгерту

Соңғы жаңалықтар

"Абай жолының" қысқаша мазмұны. II том, "Тарауда"
"Абай жолының" қысқаша мазмұны. II том, "Тарауда"
Министр: Кәсіби спорт клубтарын мемлекет бюджетінен толық қамтамасыз етудің қажеті жоқ
Министр: Кәсіби спорт клубтарын мемлекет бюджетінен толық қамтамасыз етудің қажеті жоқ
Виртуалды Алматы жартылай марафоны: жүгіру іс-шараларының жаңа форматы
Виртуалды Алматы жартылай марафоны: жүгіру іс-шараларының жаңа форматы
Жарақат алған жұмысшының еңбекақысы қалай беріледі?
Жарақат алған жұмысшының еңбекақысы қалай беріледі?
Елімізде кинотеатрлар 26 қазанда ашылады
Елімізде кинотеатрлар 26 қазанда ашылады
SpaceX орбитаға тағы 60 жерсерік шығарды
SpaceX орбитаға тағы 60 жерсерік шығарды