ФИФА рейтингісінде Қазақстан құрамасы алға шықты

 ФИФА рейтингісінде Қазақстан құрамасы алға шықты

ФИФА рейтингісінде Қазақстан құрамасы Сирия мен Вьетнам құрамаларын артқа тастап, екі саты жоғарыға шықты.

Мирослав Беранек баптайтын біздің жігіттер енді рейтингтің 145-орнына барып табан тіреді. Бір ай бұрын ғана 147-орында тұрған қазақстандықтар ең бірінші кезекте Сирия мен Вьетнам құрамаларының қарсыластарына рақмет айтуы тиіс шығар. Себебі, аталған екі құрама да сүреңсіз ойынның арқасында төменгі орыннан бір-ақ шықты.

Рейтингтің жоғары бөлігінде аз-кем өзгешеліктер орын алып атыр. Айта кетсек, Англия құрамасы Уругвайды артқа тастап, үшінші орынға барып жайғасты. Ал Ресей құрамасы 11-орынға қол жеткізіп, бразилиялықтарды артта қалдырып кетті. Бүгінгі таңда гректерден бір саты жоғары тұрған «Оңтүстік Америкалық» жігіттер 13-орында.

Бірінші мен екінші орында Испания мен Германия құрамалары көш бастауда.

Сурет:vesti.kz

Дайындаған: Фараби Бақыт

Ж. FM