Су добы. Хорватия чемпионаттағы екінші жеңісін атап өтті

Хорватия құрамасы ерлер арасында өтіп жатқан су добынан Әлемдік лиганың суперфиналындағы екінші жеңісін атап өтті.

Екінші айналымдағы матчта Хорватия испандықтармен кездесті. Алғашқы периодта-ақ хорваттықтар өзіннің басымдылығын анық байқатты. 2 доп есеп айырмасымен бүкіл период бойы тізгінді өз қолында ұстады. Екінші периодта бұл айырмашылық 3 голға дейін артты. Ойынның соңына қарай Испания құрамасы тіріліп, қарқынды шабуылдар ұйымдастырса да, жеңіске жете алмады. Осылайша матч 7:6 есебімен Хорватияның пайдасына шешілді. 

Бұған дейін оқырмандарға Хорватия Австралияны 14:11 есебімен ұтса, испандықтардың Бразилияны 8:3 есебімен жеңгендігін айтқан болатынбыз.

Сонымен:

Ерлер арасындағы су добынан Әлемдік лиганың суперфиналы.

В тобы. Хорватия - Испания - 7:6 (4:2, 1:0, 1:2, 1:2)

Дайындаған: Еркебұлан Қайрахан

сурет: prosportkz.kz