"ПСЖ" эмблемасын ауыстырмақ

"Пари Сен-Жермен" клубы келесі маусымда эмблемасын өзгертпек. Бұл туралы париждік команданың арнайы сайтында хабарланыпты.

"ПСЖ" командасы жаңа эмблеманың нұсқасын таныстырып та үлгерген. Осы күнгі эмблемадан бар айырмасы, Эйфель мұнарасының төмен жағынан геральдикалық лалагүл шығып тұрмақ. Өздеріңіз білетіндей, аталған жаңа өзгеріс (лалагүл) орта ғасырдан бері Франция ханшайымының символы ретінде қарастылып келеді. Ал эмблеманың қалған бөлігі бастапқы күйін сақтап қала береді екен.

Қоса кетсек, 43 жылдық ғұмыр-тарихы бар клубта жетінші рет эмблема ауыстырылайын деп отыр.

сурет:svetdresov.wordpress.com

Дайындаған: Фараби Арыстанбек