Дамыған елдердегі біртүрлі ырымдар
Фото: elenaruvel.com

Дамыған елдердегі біртүрлі ырымдар

Көптеген адамдар жолда келе жатып алдынан қара мысық кесіп өтсе жолым болмайды деп есептейді. Сол сияқты әлемдегі әрбір ел мен халықта және белгілі бір адамдар тобына ғана таныс көптеген ырымдар бар. Олардың кейбіреулері біртүрлі болғаны сонша, қалай әрекет ету керегін де білмей қаласың.

Германия

Германияда мерекелік іс-шараларға қатысу кезінде басқа біреумен стақан соғыстыра алмайсыз. Біреу сөз сөйлеп жатса да, стақанды үстелге қою керек. Егер сіз шыныға қолыңызды тигізсеңіз, бұл ниет білдірілген адамға өлім тілегеніңізді білдіреді.

Германияда демалыс кезінде қолыңызға су немесе шырын ұстамағаныңыз дұрыс.

Испания

Тұрмысқа шықпаған испан әйелдері сыпырғышы бар адамдардан қорқады. Өйткені абайсызда сыпырғыш аяғыңына тиіп кетсе, өмір бойы жалғыз қалу қаупі төнетінін білдіреді. Сонымен қатар, испандар сейсенбіде, айдың 13-інде сәтсіз күн деп есептелетін ештеңе істемейді.

Қытай, Жапония, Корея

Бұл елдерде 4 саны қасірет белгісі саналады. Өйткені, олардағы «төрт» және «өлім» сөздерінің айтылуы дерлік бірдей. Сондықтан ғимараттардың төртінші қабаты жоқ, лифттерде 4 саны жоқ, олар пәтерлерді немесе үйлерді нөмірлеуде «төрт» қолданбауға тырысады. Тіпті ауруханаларда 4 саны кез келген түрде тыйым салынған.

Корейлер желдеткіштен қорқады. Әрбір корейлік түнде қосып қалдырылған желдеткіштің өлімге әкелетініне сенімді.

Қытайда уграны (кеспе) тістеп жемейді және оны табақта кесуге болмайды. Ұзын кеспе – ұзақ өмір деген сөз, сондықтан бәрін аузыңа салып, сосын шайнау керек.

Ал Жапонияда найзағай кезінде барлығы бірден қарындарын жабады. Әйтпесе, «күн күркіреу құдайы кіндігіңді ұрлайды» дегенге сенеді.

Дания, Нидерланды, Швеция

Егер Стокгольмдегі бір қыз сізге жүгіріп келіп, оның иығын түртуді сұраса, қорықпаңыз. Ол жай ғана абайсызда «А» әрпі бар кәріз люкті басып кеткен. Өйткені, Швецияда «К» әрпі бар кәріз құдықтары бұл құдықтың астында таза ауыз су бар екенін, ал «А» әрпі бар люктердің астынан лас ағынды сулар ағып жатқанын білдіреді. Тиісінше, адамдар осы құдықтарды басып кетсе болашақ махаббаты таза немесе таза емес болуы мүмкін деп сенеді. Иығына үш рет түрту оның қарғысын кетіре алады.

Даниялықтар сынған ыдыстарды тастамайды. Жыл бойы сынған фарфор көп жиналса, келесі жылы соғұрлым жақсы болады деп есептеледі. Жаңа жыл сағаты соққаннан кейін ғана сынық ыдыстарды лақтырады.

Нидерландыда тамақ ішіп жатқанда ең жаман ырым – ән айту. Белгіге сәйкес, тамақ ішіп жатқанда ән айту – бақытсыздық, өйткені ол шайтанға алғыс айтуды білдіреді.

Т. Раушанұлы