Ғалымдар қартаю процесін баяулатудың жолын тапты

Солк институтының (АҚШ) ғалымдары эмбрионның дамуында маңызды рөл атқаратын арнайы белоктар - Яманака факторларын пайдаланып, егде жастағы тышқандардың жасушаларындағы қартаю процесін сәтті қалпына келтірді. 

Тәжірибе барысында ғалымдар Яманака факторларының әртүрлі жастағы тышқандарға әсерін қадағалады. Субъектілердің бірінші тобына 15 айдан 22 айға дейін (адамдардағы 50 және 70 жас) Яманака факторларымен жүйелі түрде дозаланған тышқандар кірді, екінші топта процедуралар 12 айдан 22 айға дейінгі (35-70 жас) тышқандарға орындалды. Тышқандардың үшінші тобы экспериментке бар болғаны бір ай қатысты, ал кеміргіштердің жасы 25 ай (адам жасымен салыстырғанда – 80 жас) болды.

Зерттеу нәтижелері Nature Aging журналында жарияланды. Олардың айтуынша, экспериментке ұзағырақ қатысқан тышқандарда жасушалардың қартаю процесі кері өзгерді, бұл ретте патологиялар байқалмаған. Мұндай тышқандардың денесінде коллаген аз шығарыла бастаған. Бұл жас кеміргіштерге тән жараларының тез жазылуына ықпал еткен.

Ғалымдар болашақта бұл тәжірибе адам жасушаларының қартаюын "қайта бағдарламалай алады", бұл жүрек-қан тамырлары аурулары мен қатерлі ісік ауруларының даму қаупін азайтады деп болжап отыр. Қартаюдың бәсеңдету үшін, олардың пікірінше, 7 айдан 10 айға дейін қажет болуы мүмкін.