Панама президенті футболшылары әлем чемпионатына шыққаны үшін елде демалыс жариялады
Фото:
El Tribuno
Панама президенті Хуан Карлос Варела ел құрамасы өз тарихында алғаш рет әлем чемпионатына жолдама алғаны үшін сәрсенбі күнін демалыс ретінде жариялады.
- Ертең елде ұлттық мереке болады. Біздің ел үшін бұл тарихи жетістік. Сәрсенбі барлық мемлекеттік қызметкерлер мен жұмысшылар үшін демалыс болады. Оқушылар да демалады. Себебі мұндай жетістікті отбасымен бірге тойлау керек, - деп жазды президент twitter парақшасында.
Айта кетейік, түнде өткен ойында Панама құрамасы өз алаңында Коста-Риканы 2:1 есебімен ұтып, 2018 жылы Ресейде өтетін әлем чемпионатына тікелей жолдама алған еді.
Ө. Сансызбай