Оқи отырыңыз

Өзіңе ұнаған кәсібіңмен шұғылдансаң, өз ұлтыңның туын көкке көтере алсаң – бақыт деген осы!

Автор: Асқар Жұмаділдаев

— Редактор бағаны —

Массагетте қалай блог жазамын?
Массагетте қалай блог жазамын?

Автор: Ербол Жұмабайұлы

Статус: Massaget.kz порталының Бас редакторы

Материал жіберу БЛОГ ЖАЗУ
Негізгі / Лайфстайл / Спорт / Бұл қызық / Жазда "Барселона" сапынан кететін 10 футболшы

Жазда "Барселона" сапынан кететін 10 футболшы

Жазда

Испанияның sport.es сайты осы жазда "Барселона" командасы сапынан кететін 10 футболшының тізімін шығарды. Сондай-ақ олардың кету жағдайын пайызбен де мөлшерлеген.

Клубтан 100% кетеді деген футболшылардың бірі – Дуглас. Соңғы маусымда Хихонның "Спортинг" клубында уақытша ойнаған ойыншыны команда сатылымға шығарды. Каталондық клубпен келісімшарты 2019 жылға дейін жоспарланған.

"Барселонадан" кетуі мүмкін ойыншылардың бірі – Томас Вермален. Жаңадан келген бас жаттықтырушы Эрнесто Вальверде де қорғаушыға сенім артып отырған жоқ. Команда ойыншыны ағылшынның "Уотфорд" клубына сатуды жоспарлап отыр.

Осы жазда өзге командаға ауысатын футболшылардың бірі – Мунир Эль-Хаддади. Шабуылшыны "Валенсия" сатып алғысы жоқ. Сондықтан каталондық клуб басшылығы ойыншыны "Аяксқа" сатуы мүмкін.

Италияның "Фиорентино" клубында уақытша ойнап жүрген шабуылшы Кристиан Тельоні команда келісімшарты аяқталмай тұрғанда сатуды көздейді. Келісімшарты осы жылы аяқталады.

"Барселонадағы" түрік футболшысы Арда Туранның өзге командаға ауысу жағдайы 80 %-бен мөлшерленген. Команда ойыншыны 30 миллион еуроға сатып, пайда тапқысы келеді. Ойыншыны "Галатасарай", "Арсенал" немесе қытайлық командалардың бірі сатып алуы мүмкін.

Эрнесто Вальверде жартылай қорғаушы Серхи Самперді де команда құрамында алып қалуға ниетті емес. Ойыншы жақын уақытта өзге командаға уақытша немесе біржола кетуі мүмкін.

"Барселонада" бағы жанбаған ойыншылардың бірі – Жереми Матье. Қазіргі таңда бұл қорғаушыға Грекия, Португалия және Түркия командаларынан ұсыныстар түскен.

Қазіргі таңда каталондық клуб оң қапталда ойнайтын қорғаушы іздеуде. Егер клуб басшылығы белгілеген көлемдегі қаржыға ойыншы табылса, Алейш Видаль өзге командаға ауысатын болады.

"Барселонада" жарақатына байланысты негізгі құрамда көп ойнамаған футболшылардың бірі – Рафинья. Қазіргі таңда ойыншыны "Ливерпуль", "Рома" және "Валенсия" командалары өз қатарларында көргісі келеді. Дегенмен каталондық клуб футболшы үшін 30 миллион еуро сұрауда.

Каталондық ұжымнан өзі де кеткісі келіп жүрген ойыншылардың бірі – Люк Динь. Француз футболшысы 2018 жылғы әлем чемпионатына дейін тәжірибе жинап, ұлттық құрамының негізгі ойыншысы болғысы келеді. Ойыншыға "Лион" (Франция) командасы қызығушылық танытуда.

Айта кетейік, осыған дейін каталондық клубтың көшбасшысы Лионель Месси командада көргісі келетін ойыншылардың тізімін жасаған еді. Ол қорғаушы Эктор Бельерин ("Арсенал") мен жартылай қорғаушы ретінде Марко Вератти ("ПСЖ") және Бернарду Силваның ("Манчестер Ситиді" таңдады) келгенін қалайды. Ал плеймейкер қызметін Филиппе Коутиньо ("Ливерпуль") атқара алатынына сенімді. Бірақ ағылшындық клуб өз ойыншысын сатпайтынын мәлімдеп үлгерді. Шабуыл шебіне Килиан Мбаппенің ("Монако"), болмаса Усман Дембеленің ("Боруссия Дортмунд") келгенін жөн санайды.

"Барселона" шілде айында АҚШ-та оқу-жаттығу жиынын өткізіп, турнир аясында бірнеше ойындар өткізеді. Ойындар кестесі төмендегідей:

23 шілде. "Барселона" — "Ювентус" ("Метлайф-Стэдиум", АҚШ)

27 шілде "Барселона" — "Манчестер Юнайтед" ("Федэкс-филд", АҚШ)

30 шілде "Барселона" — "Реал" Мадрид ("ХаркРок- Стэдиум", АҚШ)

Қосылған күні: 16 маусым 2017, 10:14

Соңғы аудармалар

Қайсар До Бон Сун  #7
Қайсар До Бон Сун #7

До Бон Сун – ерекше қыз. Өйткені, оның бойында тұқымқуалайтын қасиет алпауыт күшке ие. Ол тек қыздаға беріледі. Бұл қасиеті үшін өзінен ұялатын қыз қалайша барлық қиындыққа қарсы тұра білді? Оған қолдау көрсеткен кім? 

BTS - Go Go
BTS - Go Go

Топ: BTS немесе Beyond The Scene  Дебют: 2013 жыл,...

VROMANCE feat. Obroject -
VROMANCE feat. Obroject - "Ғашықпын" (Fall In Love)

Массагет сайтында жарық көріп жүрген "Қайсар До Бон Сунның" сезімге толы саундтрегін назарларыңызға ұсынамыз.