Дани Алвес футболшылар қолдауына ие болуда

28 сәуір 2014, 19:14

Каталондық «Барселонаның» қорғаушысы Дани Алвес қонақта «Вильярреалмен» өткен кездесуде алаң иелері жанкүйері лақтырған бананды жеген еді. Бүгін футболшыға жолдастары өз қолдауларын білдіруде.

Бүгін түнде өткен кездесу 2:3 есебімен Херардо Мартино командасының пайдасына шешілді. Ал «Вильярреал» жанкүйерлерінің бірі лақтырған бананды жеген Дани Алвес ойын соңынан жеген бананы екі голдың соғылуына өз септігін тигізгенін жеткізіп, лақтырған жанкүйерге өз рақметін де жеткізіпті. Қазіргі таңда қорғаушының бұл қылығын қолдау мақсатында футболшылар банан жеп суретке түсіп, әлеуметтік желілерде жариялауда.