Дайын бол! Жәнібек Әлімханұлы жекпе-жекке шақырған боксшыға жауап қатты

Орта салмақта жұдырықтасатын қазақ боксшысы Жәнібек Әлімханұлы (13-0, 18 КО) әлеуметтік желі арқылы WBC тұжырымы бойынша уақытша чемпиондық атаққа ие доминикандық Карлос Адамеске үндеу жасады.

Доминикандық боксшы осыған дейін Жәнібекті жұдырықтасуға шақырған. Ал отандасымыз бұл жекпе-жек жайлы ойлануда деген ақпарат тараған. 

Менімен жұдырықтасқың келетінін естігенде таң қалдым. Сен чемпион болмасаң да, танымал болмасаң да, бірақ сенде батылдық бар екен. Мен мұны құрметтеймін! Сенімен қуана-қуана жұдырықтасамын. Бұл жекпе-жек маған спаррингтен де жеңіл болады! Дайын бол! - деп жазды отандасымыз. 

Айта кетейік, Жәнібек Әлімханұлы орта салмақта WBO тұжырымы бойынша чемпиондық атаққа ие. 2022 жылдың қараша айында британдық Дензел Бентлимен (17-2-1, 14 КО) қарсы жекпе-жекте өз атағын сәтті қорғады. 

Карлос Адамес өткен жылдың қазан айында мексикалық Хуан Масиас Монтиэльді жеңіп, орта салмақта WBC уақытша чемпиондық атағына қол жеткізген еді.

Спорт эмоцияларының бас демеушісі – 1XBET компаниясымен чемпионды бірге таңдайық!