"Ақ көйлек киген, көк көйлек киген". Канело қазақстандық хит әнге биледі
Сауль Канело Альварестің қазақ әніне билеген сәті видеоға түсіп қалды, - деп хабарлайды Tengri Sport.
Боксшы жаттығуды тоқтатып, танымал әнге билеген. Ал видеоны Suleimen Promotions компаниясы Instagram-да жариялаған.
"Канело Қазақ елі мен өнерін қатты құрметтейді. Әсіресе, қазақ әндерінен керемет әсер алып, билегенді жақсы көреді. Бұл - сол сәттен үзінділер", - делінген жазбада.
Посмотреть эту публикацию в Instagram
Видеода қазақстандық боксшы Бек Нұрмағанбеттің билегенін байқауға болады, содан кейін Альварес те "Меховая 8/1" тобының "Тойға шашу" әніне бірнеше би қимыл жасайды.
Промоутерлік компания мәліметінше, бұл - қазақстандықтардың екінші орта салмақтағы абсолют әлем чемпионымен бірлескен жаттығуы.
Дайындыққа Әбілхан Аманқұл, Абылайхан Жүсіпов, Данила Семенов және Евгений Павлов қатысқан.
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!
Ж. Қадыржанова