Универсиада-2023: Қазақстан хоккейшілері қола жүлдеге таласады
2023 жылғы қысқы Универсиадада шайбалы хоккейден Қазақстан студенттер құрамасы үшінші орын үшін таласады, - деп хабарлайды Massaget.kz тілшісі.
Турнир Лейк-Плэсидте (АҚШ) өтіп жатыр. Жартылай финалда Канададан ұтылып қалған Ғалым Мәмбеталиев шәкірттері енді қола үшін күреседі.
Қазақстан құрамасының қарсыласы 1/2 матчта АҚШ құрамасынан қосымша уақытта 3:4 есебімен жеңіліп қалған Жапония құрамасы болмақ.
Айта кетейік, Қазақстан - Жапония матчы бүгін, 22 қаңтарда Астана уақытымен 22:05-те басталады.
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!
Г. Досымшалова