Елена Рыбакина Дубайда өткен турнирде жеңіске жетті

Елена Рыбакина Дубайда өткен турнирде жеңіске жетті
Фото: ҚТФ

Қазақстанның бірінші ракеткасы Елена Рыбакина Дубайда (БАӘ) өткен World Tennis League (WTL) көрме турнирінің жеңімпазы атанды, - деп хабарлайды Massaget.kz тілшісі ҚТФ баспасөз қызметіне сілтеме жасап.

Рыбакина турнирде Hawks командасы құрамында өнер көрсетті. Сондай-ақ командада Александр Зверев (Германия), Доминик Тием (Австрия) және Анастасия Павлюченкова (Ресей) ойнаған.

Айта кетейік, "Уимблдона-2022" чемпионы бұл турнирде бірде-бір матчте жеңілмеген. Алдымен Елена әлемнің бесінші ракеткасы Арина Соболенконы (Беларусь), одан кейін планетаның төртінші ракеткасы Каролин Гарсияны (Франция) ұтып, финалдық ойында WTA әлемдік рейтингінің көшбасшысы Ига Швентекті (Польша) жеңген.

Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!

Д. Шәріпхан