Головкин мен «Канело» сағат нешеде кездеседі?
Фото:
© Facebook/Gennadiy Golovkin
18 қыркүйек күні таңертең Геннадий Головкин Сауль Канело Альвареспен үшінші рет жұдырықтасады.
Бокс кешін Qazsport және Qazaqstan телеарналары тікелей эфирде көрсетеді. Трансляция 18 қыркүйекте Нұр-Сұлтан уақыты бойынша сағат 05.00-де басталып, арналардың ресми сайттарында да көрсетіледі. Негізгі жекпе-жектер таңғы 6:00-де, ал Головкин мен «Канело» таңғы 8:00-ден кейін кездесуі мүмкін.
Бәсекелестердің үшінші айқасы тағы да T-Mobile аренасында өтеді. Бокс кешінде тағы бір қазақстандық Әли Ахмедов (18-1, 14 КО) пен Габриэль Росадо (26-15-1, 15 КО) жұдырықтасады.
Т. Раушанұлы