Оқи отырыңыз

Өзіңе ұнаған кәсібіңмен шұғылдансаң, өз ұлтыңның туын көкке көтере алсаң – бақыт деген осы!

Автор: Асқар Жұмаділдаев

— Редактор бағаны —

Массагетте қалай блог жазамын?
Массагетте қалай блог жазамын?

Автор: Ербол Жұмабайұлы

Статус: Massaget.kz порталының Экс-бас редакторы

Материал жіберу БЛОГ ЖАЗУ
Негізгі / Лайфстайл / Мәдениет / Театр / "Астана Опера" театрына кореялық топ қонаққа келеді

"Астана Опера" театрына кореялық топ қонаққа келеді

қазанда Қазақстанда алғаш рет II Халықаралық «Жібек Жолы» музыкалық фестивалінің шеңберінде «Астана Опера» театрында аты әлемге әйгілі "NoreumMachi" музыкалық ұжымының концерті өтеді.

Астаналық қонақтар мен тұрғындар көне соқпалы аспаптардың сиқырлы дыбыстарын, жанды баурап алатын акробаттық би мен жезді-үрмелі аспаптар рэбімен үйлесетін кореялық K-TRap рэбін тамашалай алады.

"Noreum Machi" 1993 жылы дүниеге келген. Оның атауы кезінде орындау шеберлігі асқақтаған кәріс суырып салма музыканттарының өнерін білдіреді. Қазір вокалистер мен аспапшы-музыканттар жоғары кәсіби деңгейде өнер көрсетіп жүр. Аталған ұжым әлемнің үздік музыкалық алаңдарына жиі шығады. Асқан шебер музыканттар әлемнің 170 қаласы мен 50 елінде көптеген гастрольдік сапарда болып, орасан зор табысқа жетті, ол елдердің қатарында Италия, Франция, Бельгия, Швейцария, Австрия, Алмания, Нидерландтар, АҚШ, Австралия, Жапония, Бразилия, Венесуэла, Камбоджа және басқасы бар.

Кәрістің дәстүрлі музыкасын орындайтын ең атақты ансамбльдің көркем де, мазмұнды бағдарламасында «Бинари» ән-дұғасы орындалады. Наным-сенім бойынша туынды жамандықтан аластап, ырыс-береке, атақ-даңқ және ұзақ ғұмыр әкеледі деп есептелген. Бамбуктен жасалған гобойдың терең де жанды тербейтін дыбысын жеке орындаудағы «Гюн Пун Нюн» деп аталатын номерде тамашалауға болады. Ұйымдастырушылар аталған музыка тыңдарманның бойын шымырлатпай қоймайтынын айтады.

Көрерменге кореялық экзотикалық аспаптармен – құмсағат іспеттес чангу дабылымен, екі жақты шамшат дабылымен, металдан жасалған үлкен гонг чинмен және кішкентай гонг кквэнгваримен танысудың бірегей мүмкіндігі туады. Осы соқпалы аспаптармен орындалатын дәстүрлі шаруалар музыкасы аталған музыкалық ұжымның репертуарында бақсылық ырғақпен және көпке танымал әндермен тамаша үйлеседі.

Әртістер қазақстандық көрерменмен алғашқы кездесулерін асыға күтетіндерін атап өтті.

- Астаналық тұрғындарға кореялық дәстүрлі музыканы орындау біз үшін үлкен қуаныш. Корея мәдениетінің өкілдері ретінде біз концертке бар күшімізді салып дайындалдық, ол фестивальға келетін тыңдарманның көңілінен шығады деп үміттенеміз, - дейді музыканттар.

Концерт 16:00-де басталады, билет бағасы – 1 500 теңге.

Дайындаған: Фариза Абилова
Фото: «Астана Опера»
Қосылған күні: 29 қыркүйек 2015, 15:02

Соңғы аудармалар

Қайсар До Бон Сун  #7
Қайсар До Бон Сун #7

До Бон Сун – ерекше қыз. Өйткені, оның бойында тұқымқуалайтын қасиет алпауыт күшке ие. Ол тек қыздаға беріледі. Бұл қасиеті үшін өзінен ұялатын қыз қалайша барлық қиындыққа қарсы тұра білді? Оған қолдау көрсеткен кім? 

BTS - Go Go
BTS - Go Go

Топ: BTS немесе Beyond The Scene  Дебют: 2013 жыл,...

VROMANCE feat. Obroject -
VROMANCE feat. Obroject - "Ғашықпын" (Fall In Love)

Массагет сайтында жарық көріп жүрген "Қайсар До Бон Сунның" сезімге толы саундтрегін назарларыңызға ұсынамыз.