Оқи отырыңыз

Өзіңе ұнаған кәсібіңмен шұғылдансаң, өз ұлтыңның туын көкке көтере алсаң – бақыт деген осы!

Автор: Асқар Жұмаділдаев

— Редактор бағаны —

Массагетте қалай блог жазамын?
Массагетте қалай блог жазамын?

Автор: Ербол Жұмабайұлы

Статус: Арнайы жобалар директоры

Материал жіберу БЛОГ ЖАЗУ
Негізгі / Лайфстайл / Мәдениет / Тұлға / Қазақтың "Бозторғайы" дүниеге келген күн!

Қазақтың "Бозторғайы" дүниеге келген күн!

Қазақтың

Қадым замандардан бері қарапайым халықты ерекше тағдыр иелерінің өмірі қызықтырып, іс-әрекеттері таң қалдырып  келеді. Тіпті, олардың есімдері ел аузында үзілмей айтылатын әдемі аңызға айналып жататындығы ақиқат. Тәңірдің сондай бір ерекше сыйына ие болған, көзі тірісінде-ақ халық арасында аңызға айналған таланттардың бірі – Мейрамбек Бесбаев.

Осыдан жиырма жылдай уақыт бұрын өзінше мұңға, қасіретке толы «Бозторғай» әнін адам жанын түршіктіре, алпыс екі тамырды идіре шырқап, қазақы тыңдарман жүрегіне жеткізе білген қара домалақ баланың бейнесі халық жадында біржола сақталып қалды. Дәл осы сәттен бері қазақтың «Бозторғайы» өнер әлемінің биігінен, киелі сахна төрінен көрініп келеді.

Мейрамбектің де өнер патшалығын бағындырудағы баспалдағы - ауылдағы Несіпқұл атты алғашқы ұстазының жас шәкіртінің бойынан талант ұшқынын байқап, Алтынбек Қоразбаевтың қолына әкеліп тапсыруынан басталады. Арда азаматтарымыздың бірі А. Қоразбаев Тоқтар мен Мейрамбектей дарынды ұлдарының қолына қазақтың киелі қара домбырасын ұстатып, әнге шөлдеген талайдың сусынын қандыра білді десек, артық айтқандық емес.

Осы арада 15 жасар «Бозторғайды» режиссер Қ.Қасымбеков «Қоштасқым келмейді» фильміне шақырады да, таланттың басқа қырынан көрінуіне мүмкіндік туады. Мейрамбектің орындауындағы «Алғашқы махаббат» атты сырлы сезімге толы ән талай ғашықтың жүрегіне шипа бола білді.

1993 жылы Құрманғазы атындағы консерваторияның «Халық әндері» кафедрасына оқуға түсіп, бір жылдан кейін Т .Жүргенов атындағы театр академиясының «Актер, драма, кино» факультетіне ауысады.

Жоғарғы оқу орнын тәмамдаған соң, жылдармен жинақталған азды-көпті тәжірибесінен кейін Мейрамбектің ән әлемінде бағын сынап көруге жасаған талпынысының нәтижесінде өмірге «МузАРТ» жобасы келеді. Өзінің құрылған сәтінен бері МузАРТ тобы асқан танымалдылыққа ие болып, жыл өткен сайын биік белестерді бағындырып, бұқара халықты әсем әндерімен әлдилеуден шаршаған емес.

Қайталанбас қоңыр дауысымен тыңдарман жүрегін жылытып жүрген қазақтың «Бозторғайы» дәл бүгінгі күні ғұмырындағы 36-күзін қарсы алып отыр. Массагет ұжымы Мейрамбек Бесбаевты туылған күнімен құттықтай отырып, шығармашылық табыстар мен жанұя бақытын тілейді.

Суреттер:kazmusic.kz,kairat.ucoz.com,video.mail.ru

Дайындаған: Айгерім Сматуллаева

13
Рейтинг: +7

Дайындаған: Кәусар Мұң
Қосылған күні: 07 қараша 2012, 10:14

Соңғы аудармалар

Қайсар До Бон Сун  #7
Қайсар До Бон Сун #7

До Бон Сун – ерекше қыз. Өйткені, оның бойында тұқымқуалайтын қасиет алпауыт күшке ие. Ол тек қыздаға беріледі. Бұл қасиеті үшін өзінен ұялатын қыз қалайша барлық қиындыққа қарсы тұра білді? Оған қолдау көрсеткен кім? 

BTS - Go Go
BTS - Go Go

Топ: BTS немесе Beyond The Scene  Дебют: 2013 жыл,...

VROMANCE feat. Obroject -
VROMANCE feat. Obroject - "Ғашықпын" (Fall In Love)

Массагет сайтында жарық көріп жүрген "Қайсар До Бон Сунның" сезімге толы саундтрегін назарларыңызға ұсынамыз. 

--> --> -->