Оқи отырыңыз

Өзіңе ұнаған кәсібіңмен шұғылдансаң, өз ұлтыңның туын көкке көтере алсаң – бақыт деген осы!

Автор: Асқар Жұмаділдаев

— Редактор бағаны —

Грант құтты болсын,
Грант құтты болсын, "балмұздақ"!

Автор: Ербол Жұмабайұлы

Статус: Massaget.kz порталының Бас редакторы

Материал жіберу БЛОГ ЖАЗУ

— Үздік әуендер —

Нұржан Тәжікенов - "Сағыныш"
Роза Рымбаева - Алтын сағым
"Тұран" тобы - Kara jorga - people's songм
"Тұран" тобы - The swan - N. Tilendiev
"Тұран" тобы - Kaiys's weeping - poems by S. Kudaiberdiev (the epic of 'Layla and Majnun')
"Тұран" тобы - Zharapazan - people's song - poems by S. Medeubek
Негізгі / Лайфстайл / Мәдениет / Тұлға / Голливудтың сүр бойдақтары

Голливудтың сүр бойдақтары

Голливудтың сүр бойдақтары

Сымбатты, тартымды, дарынды және бай. Голливуд актерлерін сипаттағанда ең бірінші осы сөздер есімізге келеді. Кез келген қыздың жүрегін жаулап алу, олар үшін еш қиындығы жоқтай көрінеді. Әлемнің көп аруы олар жайлы армандайды, бірақ ең әдемі, ең танымал деген сұлулар да олардың жүрегіне жол таба алмай әлек. Әлемнің ең сымбатты актерлерінің сүр бойдақ мәртебесімен қоштасуға асықпайтынына не себеп?

Бүкіл ғұмырын киноға арнаған Голливуд жұлдызы Аль Пачино ешқашан некеге тұрған емес. «Ұзақ жылға созылған мансабымның арқасында жеке өмірімнен қашып жүрдім», - депті актер бір сұхбатында. Жүздеген қысқа, ыстық-суығы тез басылатын қарым-қатынастың арқасында ол шынымен жеке өмірінен қашып жүрді. Кем дегенде үш рет Аль Пачиноның үйленуге мүмкіндігі бар еді, бірақ ол үш баланың әкесі атануға мүмкіндікті алып, үйленуге шешім қабылдай алмады. «Мен ешқашан үйленбейтін шығармын. Жалпы оның не қажеті бар? Біреу үшін әдеттерімнен бас тартқым келмейді. Мен сүрбойдақ болып қала беремін!», - деген екен актер.

Биыл 45 жасын атап өтетін актер Джерард Батлер үйленуге әлі дайын емес екенін мәлімдеген екен. Ол өзін әлі бала сезінетінін және жауапкершілік жүктемейтін жеңіл қарым-қатынасты қалайтынын айтыпты. «Мен өзімді әлі бала сезінемін. Түрім кәрі көрінгенімен, жаным әлі жас. Үйлену міндетті емес қой. Қарым-қатынастың маңыздылығы жоғары, мен өмір ағымымен келе жатырмын және әр сәтте өз орнымдамын деп ойлаймын», - деп ағынан жарылыпты Батлер. Алайда болашақта үйленіп қалуы да мүмкін екенін жасырмайды. «Мен болашақта үйленіп, отбасылы болғым келеді, бірақ бәрінің өз уақыты бар. Бәріне дайын болу керек», - дейді актер.

Өмірін киноға арнап, жеке өмірін екінші планға ысырып қойған актерлердің бірі – Леонардо ди Каприо. Жастайынан біраз қыздың жүрегін жаулап, әлемге танымал Жизель Бюндхен, Бар Рафаэли сынды модельдермен сайран құрса да, Леонардо өміріндегі маңызды шешімді қабылдай алмай келеді. Күтуден шаршаған сұлулар актердің фильмдерімен жалғыз қалуына, әрі қарай шыңдарды бағындыруына кедергі келтірмеген.  

Голливудтың сымбатты әрі тартымды актерлерінің бірі Джош Хартнетті үйленбеген деп кім ойлаған? Осы уақытқа дейін Скарлетт Йохансон сынды өзі сияқты танымал, тартымды бойжеткендердің жүрегін жаулай алса да, ешқайсының саусағына неке сақинасын тағуға асықпаған. Жалпы, білетіндер, оның отбасылы болудан гөрі, қысқа романдар мен шытырмандарға құмар екенін айтады.

2012 жылы Джонни Депп ұлы мен қызының анасы Ванесса Парадимен айырылысқаны жайлы мәлімдеді. 50-ді алқымдаған актер 15 жыл бойы балаларының анасымен азаматтық некеде тұрып келген екен. Және сұхбаттарының бірінде ешқашан үйленбейтінін айтыпты. Бәлкім, актердің бір шешімге келе алмауы Ванесса Парадидің шыдамын тауысқан болар.

Сымбатты актер Джейк Джилленхол отыздан асқанға дейін Кристен Данст, Риз Уизерспун, Натали Портман сынды Голливудтың беделді актрисаларымен және Дженни Льюис, Тейлор Свифттей дарынды әншілермен махаббат құрып үлгерген. Актердің талғамы жоғары болғанымен, сезімге келгенде «көтере алмайтын қылышты беліне байлап алатын» әдеті бар ма, әйтеуір жеке өмірде бағы жанбай келеді.

Голливуд боевиктерінің жұлдызы және көп қыздың арманы Джейсон Стэтхэм жеті жыл бойы модель, актриса Келли Брукпен кездесіп жүрген. Алайда, Келлиді бұл мәртебе қанағаттандырмаса керек, кейін ол өз бақытын басқа жақтан іздеуге кірісіп, Джейсонмен ара-қатынасын үзген. Одан кейін Джейсонның қасынан папарацци басқа да сұлуларды кездестіргенімен Джейсон «сүр бойдақ» мәртебесінен жақын болашақта айырылмайтын көрінеді.

Сегіз қырлы, бір сырлы актер Джаред Лето қырықтан асса да жүрегін жаулап, неке ант суын ішкізетін аруды жолықтырмай келеді. Камерон Диас, Скарлет Йохансон, Перис Хилтон сынды дарынды актрисалармен махаббат құрып көрсе де, отбасылы болу үшін актрисамен үйленуді оңтайлы шешім деп таппаса керек.

Көздері күлімдеп тұратын актер Джеймс Франко да сүр бойдақтар қатарында. Басқа жұлдыздарға қарағанда ол жастық ғұмырын қыз-қырғынмен сайран құру үшін емес, білім алуға жұмсапты. Актердің өмірбаянында 2006-2011 жылдар аралығында Анна О’Райли есімді актрисамен қарым-қатынаста болғаны ғана атап өтіледі. Басқа кездері Джеймстың киноға түсуден, сурет салудан, оқудан қолы босамайды.

Сурет: vev.ru

Автор: Анар Мұстафина

Дайындаған: Anara Mustafina
Қосылған күні: 15 қаңтар 2014, 16:55
Пікірлер
+0
15 қаңтар 2014, 16:48

Роберт Паттинсон ше? үйленіп қойды ма? :D

+0
15 қаңтар 2014, 17:28

Жоқ, бірақ оны сүр бойдақ деуге келмес, биыл 28-ге толады.

+0
15 қаңтар 2014, 16:49

Бірінен-бірі өткен жігіттер екен. Джонни Депптің түрі де, некелік тағдыры да Мұрат Насыровқа ұқсайтын сияқты...

+0
15 қаңтар 2014, 16:53

Джейсон Стетхем :evil:

+0
15 қаңтар 2014, 17:20

мен үшін бұлар өздерін тым жоғары бағалайтын немесе ешқашан шынайы сүйіп көрмеген, махаббат үшін құрбандыққа баруға өресі жетпейтіндер.

+0
18 қаңтар 2014, 00:28

Ондай категоричны болмаңыз, мүмкін оларға үйлену немесе сүю жақпайтын шығар, бәрі басқаша болғанда оларды қазіргі жетістігінде көрмес те едік. Жұмыстарына берілгендер, есесіне қазір ақшалары да, көңілдестері де көп.

+0
18 қаңтар 2014, 01:32

әлемде әр жылы қаншама танымал "жұлдыздар" келеді, кетеді. Олар жайлы миллиондаған адамдар білмей-ақ өмір сүріп жүр. Танымалдылық, мансап - өмір жолының бір әдемі аялдамасы ғана, бір сәттік пенделік рахат. Дүниеге ол үшін ғана келмеген болармыз?..

+0
15 қаңтар 2014, 17:26

Еее, бұл кісілердің бір күндік графигін елестетіп көрер болсақ, ойға не келіп, не кетпейді десеңізші. Олар үшін отбасы құндылық емес, әрі отбасысыз-ақ осы күйде жақсы өмір сүруде. Кейін қартайып жатса да бәрібір осы отбасысыз өмірмен қоштасқысы келмейтін сияқты. Өйткені қартайғанда да небір сылқым жас сұлулар бұл кісілерге үйірсек бола береді. Бірақ өте өкінішті, басқа жағынан сәтті болса да, сүйікті жар бола білмей, өмірдің осы қуанышын сезінбей жүргендері өте өкінішті.

+0
15 қаңтар 2014, 17:30

өз басым ешқайсысына ғашық емеспін)

+0
15 қаңтар 2014, 18:19

Аль Пачино керемет актер

+0
15 қаңтар 2014, 19:12

Леонардо ди Каприоні бойдақ деп ойламаппын ;)

+0
16 қаңтар 2014, 12:09

Он бес жыл бойы ұсыныс жасамағаны, екі балалы болса да некелеспегені, ол аздай ажырасып кеткені опасыздық сияқты...

+0
16 қаңтар 2014, 14:05

МЕнің ғашықтарымның бәрі бойдақққ :? :? :?

+0
17 қаңтар 2014, 11:44

жақсы Материал, бірақ бір жақты, жазылған, жалғыз бастылықты бейшара көрсетілген сияқты :cry: бұларға біз сияқты фандарына үйлену ауыр ғо)))) так что норма. сияқты, тем более Ұшқын айтпақшы графиктері сұмдық шығар расында уақыт жоқ шығар :lol:
Джерард Батлердың мәңгі жалғыз қалуын қалаймын :evil:

+0
17 қаңтар 2014, 15:31

Бұлардың бәрі атаққа беріліп кеткендер ғой. Егер кино болмағанда бұлар бұлай жүрмес еді. Атақ, кино казир барда ертен ұмытылады. Балалар ол адамның шірімес ырым бұтағы емеспе?.

+0
18 қаңтар 2014, 00:30

Бұларды ата-аналары шірімес үрім бұтақ деп өсірді, осындай танымал болсын деп, бірақ бұлар басты миссиядан ауытқып кеткендер дейсіз ғо.. ;)

+0
18 қаңтар 2014, 11:45

Бір кісі айтып еді "шет елдің жұлдыздары деп таңдай қағады жастар бірақ нағыз айуандар солар" деп. Алысқа кетпей-ақ көрші ресейдің жұлдыздарының өмірлері адам шошырлық. Атақты Киркоров әйел заты жер бетінен жойылып кеткендей техниканың көмегімен қызды болды, алла немересіндей жігітке әйел болып жүр, ешқайыссында тұрақты жан-ұя жоқ, Адам баласына жан-ұядан, баладан асқан бақыт жоқ.

Пікір білдіру:

Пікір қалдыру үшін тіркеліңіз немесе сайтқа кіріңіз.

Әлеуметтік желі арқылы кіру:

Соңғы аудармалар

Қайсар До Бон Сун  #7
Қайсар До Бон Сун #7

До Бон Сун – ерекше қыз. Өйткені, оның бойында тұқымқуалайтын қасиет алпауыт күшке ие. Ол тек қыздаға беріледі. Бұл қасиеті үшін өзінен ұялатын қыз қалайша барлық қиындыққа қарсы тұра білді? Оған қолдау көрсеткен кім? 

BTS - Go Go
BTS - Go Go

Топ: BTS немесе Beyond The Scene  Дебют: 2013 жыл,...

VROMANCE feat. Obroject -
VROMANCE feat. Obroject - "Ғашықпын" (Fall In Love)

Массагет сайтында жарық көріп жүрген "Қайсар До Бон Сунның" сезімге толы саундтрегін назарларыңызға ұсынамыз.