Shazam қосымшасы осыған дейін ең көп ізделген 100 әнді жариялады. Бірінші орында Tones and I (Тони Уотсон) орындаған Dance Monkey әні тұр. Бұл ән 33 миллион рет ізделген.
Екінші орында Lilly Wood & the Prick тобы мен Робин Шульцтің Prayer in C трегі. Үшінші орында – Passenger орындайтын Let Her Gо әні.
Ал қазақстандық музыкант Imanbek-тің Sain Jhn орындайтын Roses әніне жасаған ремиксі бұл тізімде 18-ші тұр. Бұл трекке 21 миллионнан астам іздеу жасалған.
Ең көп ізделген әнді орындайтын Тони Уотсонның айтуынша, мансабының табысты болуында Shazam-ның ролі зор. "Мен Dance Monkey-ді шығарғанда менің жазылушым жоқ еді, бірақ Shazam-ның арқасында қазір фанатым көп", -дейді ол.
Shazam рейтингіндегі әндерді мына жерден тыңдауға болады.