Земфира Бродскийдің өлеңіне ән жазды

Земфира Бродскийдің өлеңіне ән жазды
Фото: vk.com

Өзінің ерекше қолтаңбасымен көпшілік көңілінен орын алған Земфира соңғы 5 жылдағы алғашқы әнін таныстырды. Туынды атауы  "Джозеф" .

Бұл ән әдебиет тарихында орыстың ұлы ақыны һәм американың ұлы жазушысы ретінде аты қалған Иосиф Бродскийдің екі өлеңінің сөзіне негізделген ("Новые стансы к Августе" және "Румянцевой победам", 1964).

Земфира бұл әнді осыған дейін де өз концерттерінде орындап келген. Бірақ ресми релизін жасамаған. Синглды жазуға электронды музыка шебері Муджус та атсалысқан. Релиз мұқабасын қазіргі таңда бүкіл Голливуд танитын Гоша Рубчинский есімді дизайнер мен Земфираның жақын құрбысы, авторлық фильмдер  режиссері Рената Литвинова бірлесе безендірген.

Өткен концерттердің бірінде әнші жаңа альбом жазуға кіріскенін хабарлаған еді. Осы туынды да оның құрамына кіреді деген болжам бар.

А. Оралқызы