Димаш "Халықаралық деңгейдегі танымал әнші" жүлдесіне ие болды

Димаш "Халықаралық деңгейдегі танымал әнші" жүлдесіне ие болды
Фото: instagram.com

Қуан, қазақ елі! Талантты әнші, отанадсымыз Димаш Құдайберген "17th China Music Awards "шарасында "Халықаралық деңгейдегі танымал әнші" жүлдесіне ие болды. Бұл туралы әншінің PR-директоры Алпамыс Шаримов мәлімдеді.

Ол кеше өзінің инстаграм парақшасына осы жөнінде: 

"Тағы бір мәрте жақсыдан үмітті болуға шақырамын! Өткенде "Top Ten Music Awards" шарасында "Азияның Ең танымал әншісі" марапатына ие болған болатынбыз! Енді "17th TOP Chinese music awards" шарасы ертең Қытайдың ең үлкен қалаларының бірі Шенжен қаласында өтеді. @kudaibergenov.dimash ұлдарыңыз "Ең танымал xалықаралық әнші" жүлдесінен үмітті! Үш-ақ айдың ішінде осы жүлдені де қанжығамызға байласақ үлкен жетістік болар деп ойлаймын!!! Бүгін #TheSinger - ді бір деммен өткізіп алайық, ертең осы марапат үшін тілектес болыңыздар!!! Әр бір қуанышымыз тек Сіздермен ортақ! Бір Димаштың жетер жетістігі - барша оның жанкүйерлерінің жеңісі деп білемін!!! "Үмітсіз шайтан"!", - деп жазған еді. 

Бүгін досының айтқаны келіп, Димаш жүлдені жеңіп алды. Ал, әншінің өзі инстаграм парақшасына:

"Раxмет, баршаңызға!!! Жанкүйерлерім, Dears, жақсы көрем Сіздерді!!!", - деп  қуанышымен бөлісті.

"17th Chinа top awards" шарасына қатысқан әншілер қолтаңбасын қалдырды. Оның қолтаңбасы ең жоғарыда тұрғандығын байқауға болады.

Естеріңізге сала кетейік, Димаш кеше жартылай финалында итальяндық әнші Адриано Челентаноның "Confessa" және "Бесінші элемент" фильміндегі Дива Плавалагунаның ариясын орындады. финалдықкезеңі 15-сәуір күні тікелей эфирден көрсетіледі. Отандық Хабар телеарнасынан тікелей эфирден тамашалай аласыздар. Бұл күні Димаш қытайлық танымал әнші Шаң Венжемен бірге ән шырқайды.

Ж. Жұмағұлов