Оқи отырыңыз

Өзі білмесе де елге ақыл айту – қазақтың қасиетті өнері.

Автор: Оралхан Бөкей

— Редактор бағаны —

Сүйінші, «Massaget» мобильді қосымшасы іске қосылды!
Сүйінші, «Massaget» мобильді қосымшасы іске қосылды!

Автор: Ербол Жұмабайұлы

Статус: Massaget.kz порталының Бас редакторы

Материал жіберу БЛОГ ЖАЗУ

Форумда талқылануда

— Үздік әуендер —

Нұржан Тәжікенов - "Сағыныш"
Роза Рымбаева - Алтын сағым
"Тұран" тобы - Kara jorga - people's songм
"Тұран" тобы - The swan - N. Tilendiev
"Тұран" тобы - Kaiys's weeping - poems by S. Kudaiberdiev (the epic of 'Layla and Majnun')
"Тұран" тобы - Zharapazan - people's song - poems by S. Medeubek
Негізгі / Лайфстайл / Мәдениет / Музыка / «Әнші балапаннан» шыққан әншілер

«Әнші балапаннан» шыққан әншілер

«Әнші балапаннан» шыққан әншілер

23 жыл бұрын еліміздің барлық өңірлерін қамтыған балалар музыкалық конкурсы өз жұмысын бастаған болатын. 1990 жылдың 6 мамырында республикалық деңгейде өткізілетін «Әнші балапан» бағдарламасы «Қазақстан-1» арнасынан тікелей эфирде көрермендерге жол тартты. Роза Назимқызы Жанчуринаның бастауымен іске асқан бұл жоба мыңдаған әнші баланың арманына қанат бітіріп, эстрадаға жол ашты. Бүгін біз солар жайлы, яғни «Әнші балапаннан» шыққан жұлдыздар жайлы сөз қозғамақшымыз.

Мәдина Сәдуақасованың сахнаға алғаш қадам басуы 1992 жылы осы «Әнші балапан» байқауында болған. Бұдан кейін ол көптеген байқауларға қатысады, бірақ жұлдызы «Музыкальный вояж» телебайқауында жанады.

Динара Қырықбаева «Әнші балапанға» бес жасында қатысады. Бұдан кейін «Айгөлек» және тағы басқа балалар байқауында топ жарады. Бұл байқаулардан кейін Динара әншілікке толықтай бет бұрып, әндер жаздырып, бейнеклиптер түсіріп, тіпті жеке концертін де беріп үлгереді.

1990-95 жылдары Ақтау өңірінен «Әнші балапан» байқауына қатысып, бағы жанған Ақылбек Жеменей 2003 жылға дейін туып-өскен жері Ақтау қаласында өнер көрсетіп, танымалдылықтың дәмін тата бастайды. Алайда нағыз танымалдылық оған Алматыға қоныс аударып, Лұқпан Жолдасовпен серіктестік құрғаннан бастап келеді.

«Әнші балапан» дәуірінен есте қалған әншілердің бірі – Ерболат Құдайбергенов. Оның қарындасына арнап айтқан «Салтанат» әні қазақ жұртшылығының әлі есінде.

Әлішер Каримов 5 жасында «Әнші балапан» сахнасында «Ялла» тобының танымал «Чайхана» әнін орындаған. Байқаудан «Көрермен көзайымы» жүлдесін арқалап қайтады. Ал есейген соң, 2005 жылы «Superstar.kz» тележобасына қатысып, екінші орынды иеленеді.

Кенжебек Жанәбіловке өнер анасы Алтынкүлден дарыған екен. Ән-жыр десе, алдына жан салмайтын анасы баласының өнер жолын қууына ықпал еткен. Алайда, аға-әпкелерінің арасынан өнер жолына түскен тек Кенжебек қана. Кішкентайынан «Әнші балапан» тәрізді түрлі бәйгелерге жиі қатысып, мектептегі сабақтарынан қалып қойса, жүлделерімен «жауып» жүретін болған. Әйтсе де, өте тәртіпті, тілалғыш бала болып, сабақты да жақсы оқыған.

Карина Абдуллина үшінші ұрпақтағы музыкант. Сол себепті жастайынан ән айтуға құмар ол «Әнші балапан» байқауын айналып өтпеді. Онымен қоса, ол «Утренняя звезда» ресейлік балалар музыкалық байқауының бас жүлдегері.

Дильназ Ахмадиева сұхбаттарында ән салуға кішкентай кезінен құмар болғанын жиі айтады. «Әнші балапаннан» кейін бойжеткен шағы басқа мамандықты игеруге жұмсалса да, ол сахнаны армандап, ақырында эстрададан өз орнын таба білді.

Алмас Кішкенбаевтың бағын ашқан «Superstar.kz» музыкалық байқауы болғанымен, 5-6 жасында қатысқан «Әнші балапан» оның музыкалық жолды таңдауына себеп болды.

Жанар Доғалованың есімі тек соңғы кездері жиі аталып жүр. Алайда, ол өнерге кішкентай кезінде аяқ басқан. Түрлі музыка байқауларының жеңімпазы, оның ішінде қазақстандық «Әнші балапан», «Жас қанатты» бағындырған әнші дарынымен қазақ жұртшылығын әлі қуантады деп сенеміз.

Фарида Жолдасованы кішкентай кезінен әншілік қырынан танимыз. Қуыршақтай қыз «Әнші балапан» көрермендерін ғана емес, бүкіл жұртшылықты тәтті дауысымен, әсем әндерімен баурап ала білді. Қазірде бойжеткен Фарида тыңдармандарын әдемі әндерімен қуантып жүр.

Ал Өмірқұл Айниязовтың 1992 жылы «Әнші балапан» сахнасында қарындасымен бірге орындаған әнінің видеосы да бар екен. Өмірқұлдың өнер жолындағы алғашқы қадамдарын бірге тамашалайық.

Айта кететіні, «Әнші балапан» 1999 жылдан Халықаралық деңгейге өтіп, байқауға әр елден келген орындаушылар қатыса алады. Дәстүрлі балалар музыкалық байқауы әлі талай жас жеткіншектердің жұлдызын жағады деп сенеміз.

Сурет: tengrinews.kz, news.nur.kz, vk.com

Дайындаған: Анар Мұстафина

22205 16
Рейтинг: +6

Дайындаған: Anara Mustafina
Қосылған күні: 19 қараша 2013, 09:21
Пікірлер
+0
19 қараша 2013, 08:58

Керемет материал екен. Динара Қырықбаева түк өзгермеген )) Ал Лұқпан Жолдасовтың қызы халықтың көз алдында өсті ғой.

+0
19 қараша 2013, 09:13

Мен бұл қатарға тағы Күнсұлу Тұрғынбекқызын қосар едім. Өз сөзінде "Әнші балапан" менің өнердегі ең ірі сатыларымның бірі, Рабиға апам жол сілтеген еді" деп айтқан-ды. "Әнші балапан" талайдың жұлдызын жарқыратқан жоба болған. Ал қазір, өкінішке орай, ондай жобалар мүлдем жоқ. Айтпақшы, Өмірқұл Айниязов әпкесімен емес, өзінен бір жас кіші қарындасы Алтынмен өнер көрсеткен. Екеуі өнер жолын бірге бастаған. Алтын Айниязова консерваторияның прима-қобыз класын тамамдаған. Бүгінде сахнада көп көрінбегенменен қазақтың ұмытылып қалған халық әндерін қобызға салып орындап жүр. Ерден де "Ямайка" деп осы жобадан көрініп, шетел асып, өз өнерін көрсетіп еді. "Әнші балапан" қайта қолға алынса, нұр үстіне нұр болар еді

+0
19 қараша 2013, 09:22

Мадина Садуақасова қатты өзгеріпті, қалғандары сол қалпы сияқты

+0
19 қараша 2013, 09:29

Алишер :lol:

+0
19 қараша 2013, 09:36

Бала кездері мен өскендегі кездерінде айырмашылық жер мен көктей екен :shock:

+0
19 қараша 2013, 09:56

Жанар адеми кореди екен кыздардын ишинен

+0
19 қараша 2013, 10:04

Фариданы көріп, өзімнің кішкентай кезімді еске түсірдім) а так мен де әнші балапанның сахнасына шыққам)

+0
19 қараша 2013, 10:11

Міне, жаңалық! Кешегі Өмірбектің блогында Болат үшеуміз ғана шығармашылықтан мақұрым екенбіз деп ерте айтып қойған боп тұрмын ғой онда :D

+0
19 қараша 2013, 10:07

Әнші балапанды үзбей көруші едік кішкентайымызда

+0
19 қараша 2013, 11:08

Бала күнімде осы "Әнші балапанға" қатысу арман еді, қатты жақсы көріп көруші ем. Біраз әншілерге жол ашты ғой. Ерболаттың "Салтанат" әні мен "Шөжелер" әнін айтып жүретін ек.

+0
19 қараша 2013, 13:35

Жанардың кішкентай кезі сүйкімді сондай

+0
19 қараша 2013, 18:31

Керемет материал екен!!!

+0
19 қараша 2013, 18:44

м-м-м, өзі керемет материалдар жазады ;)

+0
20 қараша 2013, 00:20

Жанар Доғалованы дұрыс танымаған екенмін(((((((((((((

+0
20 қараша 2013, 02:57

Ауылдың "Әнші балапанына" қатысқам. :) Осындай материал қызы. Ол кезде бір он жылдан кейін танымал адам болатынын кім білген?! :)

+0
20 қараша 2013, 04:29

Айниязовтар :lol:

Пікір білдіру:

Пікір қалдыру үшін тіркеліңіз немесе сайтқа кіріңіз.

Әлеуметтік желі арқылы кіру:

Соңғы аудармалар

BTS - Go Go
BTS - Go Go

Топ: BTS немесе Beyond The Scene  Дебют: 2013 жыл, 13 маусым

VROMANCE feat. Obroject -
VROMANCE feat. Obroject - "Ғашықпын" (Fall In Love)

Массагет сайтында жарық көріп жүрген "Қайсар До Бон Сунның" сезімге толы саундтрегін назарларыңызға ұсынамыз. 

Қайсар До Бон Сун #1
Қайсар До Бон Сун #1

До Бон Сун – ерекше қыз.Өйткені, оның бойында тұқымқуалайтын қасиет алпауыт күшке ие. Ол тек қыздаға беріледі. Бұл қасиеті үшін өзінен ұялатын қыз қалайша барлық...