Оқи отырыңыз

Өзі білмесе де елге ақыл айту – қазақтың қасиетті өнері.

Автор: Оралхан Бөкей

— Редактор бағаны —

Материал жіберу БЛОГ ЖАЗУ

— Үздік әуендер —

Нұржан Тәжікенов - "Сағыныш"
Роза Рымбаева - Алтын сағым
"Тұран" тобы - Kara jorga - people's songм
"Тұран" тобы - The swan - N. Tilendiev
"Тұран" тобы - Kaiys's weeping - poems by S. Kudaiberdiev (the epic of 'Layla and Majnun')
"Тұран" тобы - Zharapazan - people's song - poems by S. Medeubek
Бас бет / Лайфстайл / Мәдениет / Музыка / "Жас жұбайлар" - пойызда дүниеге келген тойға тарту

"Жас жұбайлар" - пойызда дүниеге келген тойға тарту

Атақты «Жар-жар» әнінен кейін кез келген шаңырақ көтеру тойында «Жас жұбайлар» әні шырқалады. Қосылған екі жастың бақытына ортақтасып, игі тілектер айтылатын бұл әннің туу тарихын, сірә, көпшілік қауым біле бермейді. «Жас жұбайлар» әні темір жол үстінде келе жатқан пойыз купесінде дүниеге келген.

Сазгер Бекжігіт Сердәлі студенттік жылдары досы Құлтөлеудің үйлену тойына бару үшін, курстас жолдастарымен бірге пойызбен Жезқазған қаласына қарай жол тартып кетеді. Купе ішінде «Лениншіл жас» (қазіргі «Жас Алаш») газетін дастархан етіп жайып қояды. Газет бетінің бір бұрышында бір-біріне мейірлене қараған қыз-жігіттің фотоэтюді жарияланып, астында ізгі лебіздерге толы екі шумақ өлең басылған. Бір-бірін толықтырған өлең мен фотосурет Бекжігіт Сердәлінің көңілінен шығатыны соншалықты, сазгер лезде өлең жолдарын жаттап алады.

Сол сәтте тойға бара жатқан студенттердің  бірі «Тойға апарар сыйымыз қандай болмақ?» деп сұрақ қоя жөнеледі. Бұл сұраққа жауап таба алмай, жас қыз-жігіттер әбден ойланады. Дәл сол кезде Бекжігіт Серәлі жаңағы өлең жолдарын еске түсіріп, әуенге салады. «Дайын болды-ау» деген сәтте, жанындағы достарына айтып береді. Ән барлығының көңілінен шығып, Жезқазған қаласына жеткенше барлығы айтып, сөздерін жаттап алады.

Алғашқы орындаушылары жас қыз-жігіттерден кейін бұл ән тойда шырқалып, кейін күллі ауыл, қала, аймаққа таралып үлгереді. Алайда, ән авторы өлең жолдарын жазған ақынды іздеп таба алмайды.

Бірде ҚазМУ қалашығындағы №5-жатақханада «Журналистика» факультеттерінің студенттері «Лениншіл жас» газетінің ұжымымен кездесу кешін ұйымдастырады. Кеште болашақ журналистер газет тілішлерімен жүздесіп, дидарласады. Кездесу соңында жиналған қауым келген қонақтардың құрметіне «Жас жұбайлар» әнін орындап береді. Ән соңында қонақтардың арасында отырған «Лениншіл жас» газетінің әдебиет бөлімінің меңгерушісі, ақын Өтеген Оралбаев «Бұл менің өлеңім ғой!» деп айқай салады. Осылай араға екі жыл уақыт салып, тамаша әннің қос авторы бір-бірін табады.

Тойға тарту ретінде шырқалатын әсем ән бұл күнде халық құлағына әбден сіңісіп кеткен. Кездейсоқ жолда дүниеге келген ән талай жастың қуанышында әлі де әуелей беретіні хақ.

Сурет: elgazeti.kz

7084 7
Рейтинг: +0

Дайындаған: Ғазиза Ұзақ
Қосылған күні: 05 сәуір 2012, 16:41
Пікірлер
+0
05 сәуір 2012, 17:36

Менің кішкентай кезімнен тойға барғанда айтатын (репертуарымдағы:))) сүйікті ән. Тойда осы әнді айтып өзімді әнші сезініп қаламын ғой:)) Осы әннің шығу тарихын оқып тағы бір той есіме түсіп отыр. Жарқынның тойы болған кезде, біз де жол бойы неше түрлі әндерді репетировать етіп барғанбыз. Әзиз бен Нұрмұхаммед "Япурай"-деген әнге тыныштық бермей, "Жаз боолса, жаз болсаа"-деп миымызды жеп қойған. Бірақ тойға барған кезде "Жас жұбайлар жырын" айттық.

+0
05 сәуір 2012, 17:44

Нұрзияның Алматыға келгенінің құрметіне орай, басымыз қосылғанда осы әнді айта жөнеліп едің ғой. Шумақтарын жатқа білмесек те, қайырмасына қосылып, бүкіл пиццерияны әнге бөлеп едік қой

+0
05 сәуір 2012, 17:56

Аха, сендер мені қинап айтқыздыңдар негізі:)) Өзімнің есіме де ешқандай сөзін толық білетін ән түспей қойды ғой:))

+0
05 сәуір 2012, 17:59

:D Өзің ғой Ботик ойлап тапқан ойыннан жеңіліп қалған)))

+0
05 сәуір 2012, 17:41

Былайша тыңдамайсың ғой, тойларда тыңдағанда басқаша керемет болып кетеді :D

+0
05 сәуір 2012, 18:49

cөзі мен әнін түгел білем жатқа :)

+0
17 сәуір 2012, 17:49

Үйленген кезімде тамада осы әнді ойнатқызып, жұбайыммен билегенім есімде. Әсері жақсы болады екен (жеке пікірім)

Пікір білдіру:

Пікір қалдыру үшін тіркеліңіз немесе сайтқа кіріңіз.

Әлеуметтік желі арқылы кіру:

Соңғы аудармалар

38-параллель
38-параллель

Ел: Оңтүстік Корея Режиссер: Кан Джегю Жылы: 2004 Басты рөлдерде: Чан Дон Ган, Вон Бин Аударған: Ғалымжан Сәңкібаев

Хён/ Аға/ Brother
Хён/ Аға/ Brother

Ел: Оңтүстік Корея Жыл: 2016 Режиссер: Квон Су Гён  Сценарийін жазған: Ю Ён А  Аударған: Ғалымжан Сәңкібаев Басты рөлдерде: ДИО (Exo тобының әншісі) мен Чо...

Елес ерткен
Елес ерткен

Түпнұсқа атауы - Sen to Chihiro no kamikakushi Орысша атауы - Унесенные призраками Мемлекет: Жапония Жылы: 2001 Түрі: аниме Режиссері: Хаяо Миядзаки Жанры: шытырман...