Оқи отырыңыз

Мықты болсаң, өзгенің жетістігін, өзіңнің кемістігіңді көре біл. 

Автор: Қадыр Мырза Әли

— Редактор бағаны —

Сүйінші, «Massaget» мобильді қосымшасы іске қосылды!
Сүйінші, «Massaget» мобильді қосымшасы іске қосылды!

Автор: Ербол Жұмабайұлы

Статус: Massaget.kz порталының Бас редакторы

Материал жіберу БЛОГ ЖАЗУ

— Үздік әуендер —

Нұржан Тәжікенов - "Сағыныш"
Роза Рымбаева - Алтын сағым
"Тұран" тобы - Kara jorga - people's songм
"Тұран" тобы - The swan - N. Tilendiev
"Тұран" тобы - Kaiys's weeping - poems by S. Kudaiberdiev (the epic of 'Layla and Majnun')
"Тұран" тобы - Zharapazan - people's song - poems by S. Medeubek
Негізгі / XIX ғасыр суретшілерінің орындалған болжамдары

XIX ғасыр суретшілерінің орындалған болжамдары

XIX ғасыр суретшілерінің орындалған болжамдары

"En L’an 2000" атты суреттер топтамасы жайлы естуіңіз бар ма? Бұл топтаманы 1900 жылы Парижде өткен халықаралық көрмеге Жан-Марк Коте бастаған бір топ суретші дайындаған екен. Оның ерекшелігі – суреттер болашақты болжап, XXI ғасырда әлемде болуы мүмкін өзгерістерді көрсеткен. Көрме өткеннен кейін, туындылар қоғам тарапынан талқыға түсіп, он жылдай ел аузынан түспепті. Тіпті, темекі мен ойыншық қораптарын безендіруге де пайдаланылған көрінеді. Француздардың тапқырлығына тамсанған неміс суретшілері шет қалмай, араға уақыт салып өз топтамасын жасап көрген. Ал, немістерден кейін орыс өнерпаздары шабыттанып, "300 жылдан кейінгі Мәскеу" деген топтама дайындаған. Таңғаларлығы, "En L’an 2000" жобасындағы кей суреттер болашақты дәл болжай алған екен. Массагет порталы сол суреттерді іріктеп, назарларыңызға ұсынады.

"Ұшқыш өрт сөндірушілер"

Жақында Дубай өрт сөндірушілері қызметін атқару кезінде джетпактың көмегіне жүгінетінін хабарлады. Бұл адамдарды тілсіз жаудан құтқару жұмысын әлдеқайда жеңілдетпек. Әрине, туындыларда көрсетілген қанатты құтқарушылардай емес. Десе де, суретшілердің ұшқыш өрт сөндірушілер туралы болжамы жүзеге асты деуге келеді.

"Видеоқоңырау"

Қолға ұстауға ыңғайлы кішкентай құрылғылардың пайда болатынын және сол құрылғылар арқылы біраз жұмысты іске асыру мүмкіндігі туатынын болжау о бастан қиын еді. Дегенмен, топтамадағы "видеоқоңырау" жайлы жорамал орындалғаны анық.

"Үй жинайтын роботтар"

Үй жинауда көп көмегін тигізетін шаңсорғыштардың пайда болғанына біраз болды. Ал, роботтар әлі барлық елге тарап үлгермеді. Десе де, жапондардың арқасында болжам дәл келді. Қазір үй ішін реттеу бұрынғыға қарағанда жеңілдей түскендей.

"Молекулярлы аспаздық"

Химия-физикалық зерттеулердің нәтижесінде қазіргі уақытта ас дайындаудың "молекулярлы аспаздық" деген әдісі зор танымалдылыққа ие болып тұр. Мұндай тағам дайындалғанда сыртқы пішініне өзгеріс енсе де, оның құнарлығы, құрамы мен дәмі сақталады. Суретшілердің бұл долбары да сәтті болған.

"Электро роликтер"

Өздігінен сырғанайтын электро роликтер қазіргі кезде үлкен танымалдылыққа ие. Бұл тұрғыдан алғанда адамзат болжаушылардан әлдеқайда озып кетті.

"Құрылысшы роботтар"

Үй салатын 3D принтерлердің пайда болуы – құрылыс саласына үлкен жаңалық алып келді. Суретшілер бұл көріністі басқаша елестеткенімен, олардың: "Басқарушысы болса, үйді техниканың өзі-ақ салады",– деген болжамы дәл келді.

"Аудиогазет"

Көшеге шығып газет сатып алмай, үйде отырып-ақ барлық жаңалықты білуді "En L’an 2000" жобасының авторлары қатты армандаған секілді. Олардың бұл арманы XXI ғасырға дейін орындалып қойды. Суретте көрсетілген "аудиогазет" бүгін бізде радио, аудио-подкаст, аудиокітап ретінде жүзеге асты.

"Әуе кемелері"

Тіршілігі қайнап жатқан XXI ғасырды мұхит асатын әуе кемелерінсіз елестету мүмкін емес. Адам баласының бүгінгі жетістігінің көбі елдер арасындағы жолдың ұшақтар арқылы қысқаруының арқасында болар. Әуе кемелері жайлы болжам дәл келгенімен, суретшілер оның сыртқы бейнесін басқаша елестеткен екен.

"Ұшатын көліктер"

Бұл болжам нақты орындалды деуге келмес. Бірақ, соңғы жылдары әуекөлігін құрастырып, оны түрлі сынақтардан өткізіп жатқан компаниялар саны артуда. Соған қарағанда адам баласы ұшатын көліктерге мінетін күн де алыс емес секілді.

Дәл келген жорамалдар топтамасы осындай. Енді өнерпаздардың әлі орындалмаған немесе орындалуы екіталай болжамдарына қысқаша тоқталайық.

"Әуе аңшылары"

"Әуе теннисі"

"Білімді миға жүктейтін құрылғы"

"Су астындағы бәйге"

872 4
Рейтинг: +3

Дайындаған: Yernar Almabek
Фото: wikimedia.org
Қосылған күні: 10 қараша, 17:13
Пікірлер
+1
10 қараша, 17:15

Су астындағы бәйге жақын арада болса, таңғалмаймын. Миға білімді жүктейтін құрылғы сұмдық екен..)

+1
10 қараша, 17:38

Біз тым ақымақтардың заманында тудық-ау деймін... Бәрі плагиат)

+0
12 қараша, 00:48

əуеде ұшатын көлікті Т.Бекмамбетов "Черная молнич"фильмінде көрсетедіғо

Пікір білдіру:

Пікір қалдыру үшін тіркеліңіз немесе сайтқа кіріңіз.

Әлеуметтік желі арқылы кіру:

Соңғы аудармалар

"Мектеп 2017" 1-бөлім

Атауы: Мектеп 2017 Режиссері: Пак Джин Сок Бөлім саны: 16 Басты рөлдерде:  Соль Ин А, Чан Дон Юн, Ким Се Чжон, Ким Хи Чон

BTS –
BTS – "Blood,sweat & tears" [kaz_sub]

Топ: BTS немесе Beyond The Scene  Дебют: 2013 жыл, 13 маусым

38-параллель
38-параллель

Ел: Оңтүстік Корея Режиссер: Кан Джегю Жылы: 2004 Басты рөлдерде: Чан Дон Ган, Вон Бин Аударған: Ғалымжан Сәңкібаев