Оқи отырыңыз

Өзіңе ұнаған кәсібіңмен шұғылдансаң, өз ұлтыңның туын көкке көтере алсаң – бақыт деген осы!

Автор: Асқар Жұмаділдаев

— Редактор бағаны —

Массагетте қалай блог жазамын?
Массагетте қалай блог жазамын?

Автор: Ербол Жұмабайұлы

Статус: Massaget.kz порталының Экс-бас редакторы

Материал жіберу БЛОГ ЖАЗУ
Негізгі / Лайфстайл / Мәдениет / Кино / "Қазақфильм" киностудиясының youtube-арнасына мультфильмдер жүктелді

"Қазақфильм" киностудиясының youtube-арнасына мультфильмдер жүктелді

"Қазақфильм" киностудиясының youtube желісіндегі ресми арнасына тәуелсіздік жылдары жарыққа шыққан мультфильмдер жүктелді. 

"Қазақфильм" киностудиясы барлық қазақстандықтарды Халықаралық анимация күнімен құттықтайды. Бұл мереке үлкенге де, кішіге де ортақ, өйткені бала кезден сүйіп тамашалайтын мультфильмдер адам мінез-құлқының қалыптасуына әсер ететіні баршаға мәлім. Бүгінде отандық анимацияның сапасы мен жеткен жетістіктері де қуантарлық. Мысалы, жақында ғана Германияда өткен 24-ші Халықаралық балалар мен жасөспірімдерге арналған Schlingel фестивалінде «Мұзбалақ» толықметражды анимациялық фильмі сыншылардың жоғары бағасын алып, «Үздік анимациялық фильм» жүлдесіне ие болды.  

- Әмен Қайдаров негізін қалаған отандық анимация бүгінде елімізде, сонымен қатар шетелде де үлкен сұранысқа ие. Сапасы жағынан батыстың фильмдерінен кем түспейтін біздің мультфильмдер үнемі халықаралық фестивальдерге қатысып, жүлделі орындардан көрініп жүр.  

Өздеріңіз білетіндей, биыл қыркүйектің ортасында «Қазақфильмде» қазақ киносының мұражайы ашылған болатын. Осы мерекеге орай «Қазақфильм» киностудиясы еліміздің анимация саласының дамуына үлес қосқан киногер ардагерлерімізге естелік сыйлықтарды – қазақ анимациясының 50 жылдығына арнайы шығарған күміс монеталар және пошта маркасын табыстады.

Анимация өнері – кино өндірісіндегі стратегиялық маңызды әрі ең қызықты салалардың бірі. Біз үшін әр көрермен қымбат, сондықтан да анимация саласында да бүлдіршіндеріміздің көңілінен шығуға тырысамыз, - деді «Қазақфильм» киностудиясының президенті Арман Әсенов.  

Сонымен қатар, киностудия басшысы осы жылдың соңына дейін бүгінгі қазақ анимациясына арналған пошта маркаларының жарыққа шығатынын айтты. Бұл маркаларда Ш.Айманов атындағы «Қазақфильм» киностудиясының «Анимациялық кино» шығармашылық бірлестігінде түсірілген мультфильмдердің («Қошқар мен теке», «Мақтаншақ қыз», «Ер Төстік және Айдаһар») кадрлары бейнеленетін болады.  

Айта кетсек, ҚР Мәдениет және спорт министрлігі тапсырысы бойынша Ш.Айманов атындағы «Қазақфильм» АҚ-ның тәуелсіздік жылдары жарыққа шығарған бірнеше анимациялық фильмдерді «Қазақфильм» киностудиясының youtube желісіндегі ресми арнасынан көруге болады.

Анимациялық фильмдердің тізімі:

  1. «Күлтегін» / Режиссері - Адай Әбілдинов / 2017 жыл.
  2. «Мұзбалақ» /Режиссерлері -Тұрдыбек Майдан, Тілек Төлеуғазы / 2017 жыл.
  3. «Тимур мен Жаник» / Режиссері - Рамиль Усманов/ 2010 жыл.
  4. «Тимур мен айдаһар» / Режиссері - Рамиль Усманов  / 2013 жыл.
  5. «Жерұйық» / Режиссері - А.Әбілдинов / 2013 жыл.
  6. «Мақтаншақ қыз» / Режиссері - Рамиль Усманов  /2011 жыл.
  7. «Қошқар мен теке» / Режиссеры - Батырхан Дәуренбеков / 2008 жыл.
  8. «Ер Төстік және Айдаһар» / Режиссерлері  -  Жәкен Даненов, Рустам Тұралиев / 2012 жыл.
  9. «Қазақстан  -  біздің ортақ үйіміз»  (9 сериялы анимациялық цикл)/2014 жыл.
  10. «Қазақ Елі» /Режиссері - Б. Дәуренбеков/ 2015 жыл.

Одан бөлек, «Қазақфильм» киностудиясы қазақ киносының алтын қорына енген фильмдерді, оның ішінде қазақ киносының классигі Шәкен Айманов түсірген барлық фильмдерді өзінің youtube желісіндегі ресми арнасына жүктеуді жоспарлап отырғанын айта кеткен жөн.   

0
Рейтинг: +0

Дайындаған: Айымгүл Оралқызы
Фото: vk.com
Қосылған күні: 28 қазан, 14:38

Соңғы аудармалар

Қайсар До Бон Сун  #7
Қайсар До Бон Сун #7

До Бон Сун – ерекше қыз. Өйткені, оның бойында тұқымқуалайтын қасиет алпауыт күшке ие. Ол тек қыздаға беріледі. Бұл қасиеті үшін өзінен ұялатын қыз қалайша барлық қиындыққа қарсы тұра білді? Оған қолдау көрсеткен кім? 

BTS - Go Go
BTS - Go Go

Топ: BTS немесе Beyond The Scene  Дебют: 2013 жыл,...

VROMANCE feat. Obroject -
VROMANCE feat. Obroject - "Ғашықпын" (Fall In Love)

Массагет сайтында жарық көріп жүрген "Қайсар До Бон Сунның" сезімге толы саундтрегін назарларыңызға ұсынамыз.