Disney: "Су перісі" түсіріліміне Хавьер Бардем қатысады

Disney: "Су перісі" түсіріліміне Хавьер Бардем қатысады
Фото: vk.com

Талайлардың сүйікті мульфильмі атанған "Су перісінің" ремейкінде Оскар иегері Хавьер Бардем теңіз патшасы Тритонның рөлін ойнайды. Яғни, басты кейіпкер Ариэльдің әкесін сомдауға лайық деп танылды.

Осыған дейін Disney компаниясы су перісі Ариэль туралы ертегіні қайта экранизациялайтын хабарлаған болатын. Енді өздеріңіз көріп тұрғандай, басты кейіпкерлерді кім сомдайтыны ақырын анықтала бастады.

1989 жылы шыққан туындының ремейк нұсқасында су перісін  белгілі әнші-орындаушы Хэлли Бейли сомдайды. Жас дарын туған әпкесі Хлоямен бірге  Chloe x Halle тобында ән шырқайды. Бұл рөлге бекітілген адамның әншілік қасиеті болғаны өте маңызды, себебі туынды мюзикл іспетті әуенге тікелей байланысты болады.

One Direction тобының бұрынғы мүшесі және Gucci брендінің негізгі жұлдызы Гарри Стайлз баршаның сүйікті ертегісіндегі Эрик ханзаданың рөлін сомдайды.

Фильмде Урсула рөлін комедиялық кейіпкерлерімен танымал Мелисса Маккарти сомдайды деген болжам бар. Ертегінің түсіріліміне қатысты белгілі ақпараттар қатары осы ғана. Алдағы уақытта әдемі махаббат оқиғасындағы басқа кейіпкерлерді кім сомдайтыны хабарланады.

А. Оралқызы