"Тұлғалық өсу тренингі" фильмі Мәскеу кинофестивалінде Гран-приге ие болды

Режиссер Фархат Шәріповтың («Тренинг личностного роста») «Тұлғалық өсу тренингі» көркем фильмі 41-ші Халықаралық Мәскеу кинофестивалінде Гран-приге ие болды. Фестиваль 2019 жылғы сәуірдің 18 мен 25 аралығында өтті. Картина ҚР Мәдениет және спорт министрлігінің тапсырысы бойынша Ш.Айманов атындағы «Қазақфильм» киностудиясы түсірген. Фильмнің сценариі Данияр Сүгіралиновтың «Кирпичи 2.0» романының негізінде жазылған. «Үздік фильм» номинациясындағы «Алтын Георгийді» Шәріповқа халықаралық қазылар алқасының төрағасы – танымал корейлік режиссер Ким Ки Дук табыстады. 

Әлеуметтік драма қырық жасқа келген, орта жас күйзелісін кешіп жүрген банк қызметкері Қанат туралы баяндайды. Бірде Қанат тұлғалық қалыптасу – көшбасшылық қасиеттерді дамыту тренингіне барады. Коуч-тренер жетістікке қалай жету керектігін және көшбасшы бола білудің әдістерін айтады. Көшбасшы болудың құпияларын бойына сіңіре келе, Қанат өзін және өмірге деген көзқарасын өзгертуге бекінеді.  жизнь героя делает крутой поворот, когда он встречает своего давнего знакомого Данияра. 

Фильмнің жарыққа шығуына ықпалдастық еткен барша адамға алғыс айтамын. Алдымен отбасыма мың алғыс айтам. Бұл жеңісімді әкеме арнаймын. Ал фестивальдің ұйымдастырушылары мен көрермендеріне мың алғыс, - деді МХКФ лауреаты Фархат Шәріпов. 

Естеріңізге сала кетсек, «Тренинг личностного роста» фильмінің әлемдік тұсаукесері 23-ші Пусан Халықаралық кинофестивалінде өткен. Сонымен қатар, картинаның қоржынында екі бірдей жүлде бар –  14-ші Халықаралық Шәкен Айманов кинофестивалінде Қазылар алқасының арнайы жүлдесі және Нетпак жүлдесі.  

Халықаралық Мәскеу кинофестивалі - әлемдегі ең ескі фестивальдердің бірі. Оның негізі 1935 жылы қаланып, сол жылы Сергей Эйзенштейн қазылар алқасын басқарған.  Ресми түрде бұл фестиваль 1959 жылдан бері жыл сайын өткізіліп келеді. Соңғы 20 жыл ішінде фестивальдің қазылар алқасын әлемнің ең белді киногерлері басқарды, олардың қатарында: Ричард Гир, Тео Ангелопулос, Алан Паркер, Глеб Панфилов, Жан-Жак Анно, Люк Бессон, Мохсен Махмальбаф бар. МХКФ бағдарлама директоры мәдениеттанушы Кирилл Разлогов, іріктеу комиссиясын ресейлік киносыншы Андрей Плахов басқарады. МХКФ президенті ресейлік режиссер, актер, Ресей Федерациясының Халық артисі Никита Михалков.  Биыл фестивальдің қазылар алқасына танымал оңтүстік Корея режиссері Ким Ки Дук төрағалық етеді. 

Бөлісу:
Пікір қалдыру үшін сайтқа кіріңіз
Өзгерту

Соңғы жаңалықтар

Адамды бостандығынан айыру мен бостандығын шектеудің айырмашылығы қандай?
Адамды бостандығынан айыру мен бостандығын шектеудің айырмашылығы қандай?
8 сағат жұмыс, 8 сағат ұйқы және 8 сағат демалыс: адамзат бұл жеңіске қалай жетті?
8 сағат жұмыс, 8 сағат ұйқы және 8 сағат демалыс: адамзат бұл жеңіске қалай жетті?
Ғалымдар Арктикадағы барлық мұз 2035 жылға қарай еріп кететінін айтты
Ғалымдар Арктикадағы барлық мұз 2035 жылға қарай еріп кететінін айтты
Мұхиттағы ең үлкен "қоқыс аралы" Франция көлемімен теңесті
Мұхиттағы ең үлкен "қоқыс аралы" Франция көлемімен теңесті
Абайдың шығармалары дүниежүзінің 10 тіліне аударылды
Абайдың шығармалары дүниежүзінің 10 тіліне аударылды
Израильде 1,5 миллион долларлық медициналық маска жасалды
Израильде 1,5 миллион долларлық медициналық маска жасалды