Балаларға арналған фильмдер

Төртінші тоқсан алды демалысты пайдаланып, балалар мен ата-аналар қарауға болатын отбасылық фильмдер топтамасын ұсынамыз.

«Белль мен Себастьян: шытырман жалғасуда»
(Белль и Себастьян: Приключения продолжаются)

Кішкентай балақай Себастьян мен оның адал досы Белль атты иттің басынан кешкен оқиғаларын сипаттайтын фильм сюжеті бойынша олар құрбылары Анджелинаны іздеп орманға аттанады.

«Фердинанд»

Фердинанд — ешкімге зияны жоқ, ақкөңіл және кішіпейіл бұқа. Дегенмен, оны Мадридте өтетін бұқалардың шайқасына қатысушы ретінде таңдайды. Оқиғаның қызығы осы сәттен басталады. Мультфильм 2018 жылы «Оскар» жүлдесіне үміткер болған.

«Кішкентай ханзада»
(Маленький принц)

Антуан де Сент-Экзюперидің атақты повесть-ертегісінің желісі бойынша түсірілгенімен, сценаристер хикаяны басқаша баяндайды. Анасының қас-қабағына қарап өмір сүріп жатқан кішкентай қыз ұшқыш атамен танысып Кішкентай ханзаданың еліне аттанады.

«Паддингтонның басынан кешкендері 2»
(Приключения Паддингтона 2)

Перуден Лондонға келген аю антикварлық дүкеннен әдемі кітапты көріп, сатып алу үшін ақша жинай бастайды. Кенеттен кітапты ұрлап кетеді, оқиғаның кейіпкері Паддингтон басты назарға ілігеді.

«Кинодағы My little Pony»
(My little Pony в кино)

Атақты сериал кейіпкерлерімен түсірілген толықметражды фильм. Дауыл патшалығы Эквестрияны басып алмақшы, ал пони болса өздерінің сиқырлы күштерінен айырылуы мүмкін. Олар амалсыздан өз елдерінен кетіп, шытырманға толы әлемге саяхаттауға мәжбүр болады.