Оқи отырыңыз

Өзіңе ұнаған кәсібіңмен шұғылдансаң, өз ұлтыңның туын көкке көтере алсаң – бақыт деген осы!

Автор: Асқар Жұмаділдаев

— Редактор бағаны —

Массагетте қалай блог жазамын?
Массагетте қалай блог жазамын?

Автор: Ербол Жұмабайұлы

Статус: Massaget.kz порталының Бас редакторы

Материал жіберу БЛОГ ЖАЗУ
Негізгі / Лайфстайл / Мәдениет / Кино / Тарантино фильмінде басты рөлді сомдайтын актриса белгілі болды

Тарантино фильмінде басты рөлді сомдайтын актриса белгілі болды

Тарантино фильмінде басты рөлді сомдайтын актриса белгілі болды

Жақында әлеуметтік желілерде Тарантино картинасы кейіпкерлерінің алғашқы фотосуреттері мен түсірілім алаңынан бірнеше видео дерек жарияланды. Ал, бүгін картинада басты рөлді кім сомдайтыны белгілі болды.

Осыған дейін америкалық БАҚ фильмде басты рөлді Хилари Дафф ойнайтынын хабарлаған. Өйткені, бірнеше ай бұрын Хилари Дафф өзінің әлеуметтік парақшасына Шерон Тейт бейнесіндегі гриммен түскен суретін жүктеді. Көпшілік оның Тарантино фильміне дайындалып жатқанын айтса, кейбіреуі өзге жобадағы образ болуы мүмкіндігін алға тартқан-ды.

Бірақ, бүгін атағы шарықтап тұрған Марго Робби есімді актриса әлеуметтік желіге басты кейіпкер Шерон Тейттен айнымай тұрған суретін жүктеп, астына Тарантино фильмінің инстаграм парақшасын белгіледі.

Бұл фильмді күтушілер саны аз емес. Кинодағы постмодернизмнің көрнекті өкілдерінің бірегейі саналатын Тарантиноның көпшілік асыға күткен осы  фильміне Paramount, Sony және Warner Bros сынды алпауыт киностудиялар таласқан еді.

Жалпы, картина сюжеті есімі әлемге танымал маньяк Чарльз Мэнсонның 1969 жылы елді дүрліктірген қылмысы негізінде жазылған. Біз айтып отырған Мэнсон — америкалық кісі өлтіруші, музыкант, "Отбасы" қылмыстық коммунасының басшысы. 1969 жылы олар әйгілі режиссер Роман Поланскидің аяғы ауыр жұбайы, танымал актриса Шэрон Тейтті ішіндегі 8 айлық баласымен қоса қинап өлтірген. Бізге мәлім ақпараттар бойынша, Тарантино сценарийді осыдан 5 ай бұрын жазып бітірген. Түсірілімге қажет $100 миллион қаржыны жоғарыда аталған киностудияның бірі берді.  

Квентин Джером Тарантино – америкалық кинорежиссер, сценарийші, кинооператор, актер және кинопродюсер. Тарантино 1994 жылы «Қойыртпақ шығармасы» фильмі шыққаннан кейін әлемге әйгілі болды. «Канн кинофестивалінің» «Алтын пальма бұтағы», «Оскар», «Алтын глобус», «BAFTA» және тағы басқа көптенген марапаттарының лауреаты. «The Guardian» журналы оны әлемдегі ең үздік 40 режиссерлердің тізімінде 17 орынға қойды.

Тарантиноның америкалық кинематографистердің алдыңғы ұрпағынан айырмашылығы, ол кино өнерін өздігінен зерттеп үйренді. Оның кинематографиялық мәнері поп-мәдениет және артхаустық киноның өзіндік қосылу әсерінен дамыды. Тарантиноның барлық фильмі өзіне ғана тән, басқа режиссерлермен шатастырмас айрықша мәнері бар. Ең алдымен, ол ретсіз құрылым: дәстүрлі баяндаудан ауытқу, зорлық-зомбылықты эстетикалық көркемдеу және ұзақ диалогтар.

0
Рейтинг: +0

Дайындаған: Айымгүл Оралқызы
Фото: vk.com
Қосылған күні: 07 тамыз, 10:16

Соңғы аудармалар

Қайсар До Бон Сун  #7
Қайсар До Бон Сун #7

До Бон Сун – ерекше қыз. Өйткені, оның бойында тұқымқуалайтын қасиет алпауыт күшке ие. Ол тек қыздаға беріледі. Бұл қасиеті үшін өзінен ұялатын қыз қалайша барлық қиындыққа қарсы тұра білді? Оған қолдау көрсеткен кім? 

BTS - Go Go
BTS - Go Go

Топ: BTS немесе Beyond The Scene  Дебют: 2013 жыл,...

VROMANCE feat. Obroject -
VROMANCE feat. Obroject - "Ғашықпын" (Fall In Love)

Массагет сайтында жарық көріп жүрген "Қайсар До Бон Сунның" сезімге толы саундтрегін назарларыңызға ұсынамыз.