Оқи отырыңыз

Өзіңе ұнаған кәсібіңмен шұғылдансаң, өз ұлтыңның туын көкке көтере алсаң – бақыт деген осы!

Автор: Асқар Жұмаділдаев

— Редактор бағаны —

Массагетте қалай блог жазамын?
Массагетте қалай блог жазамын?

Автор: Ербол Жұмабайұлы

Статус: Арнайы жобалар директоры

Материал жіберу БЛОГ ЖАЗУ
Негізгі / Лайфстайл / Мәдениет / Кино / Шонжыда "Қазақ Елі" фильмінің түсіріліміне 200 адам қатысып жатыр

Шонжыда "Қазақ Елі" фильмінің түсіріліміне 200 адам қатысып жатыр

Шонжыда

"Қазақ Елі" тарихи көпсериялық телевизиялық жобаның ірі ауқымды түсірілімдері Алматы облысының Шошанай ауылында өтіп жатыр.

Ашық далада Керей мен Жәнібектің көштегі сәті түсірілді. Көш кезінің түсіріліміне 200-ден аса адам, 150 жылқы және 10 түйе қатыстырылған. Режиссер Рүстем Әбдрашев картинасының түсірілім жұмыстары ресми түрде 7 қыркүйекте Шәкен Айманов атындағы "Қазақфильм" киностудиясының территориясында басталған болатын. Команда "Қазақфильм" территориясындағы киіз үйлер мен сарайлардағы түсірілімдерді аяқтады. Ал 15 қарашада түсірілім тобы Қапшағайға аттанады.  

"Қазақ елі" көпсериялық фильмінің 1465 жылы қазақ мемлекетінің құрылу кезеңін, Жәнібек пен Керейдің, олардың балалары Қасым мен Бұрындықтың билік еткен кезеңін қамтитыны белгілі. Қазір фильм Ільяс Есенберлин "Көшпенділер" романының бірінші томы бойынша түсіріліп жатыр. Режиссер Рүстем Әбдрашевтің айтуынша, қазіргі уақытта материалдың 40 пайызы түсірілді, монтажы қатар жасалып жатыр.

"550 жыл бұрын болған оқиға — Қазақ хандығының бөлінуі және жас мемлекеттің дамуы, — өте ауыр кезеңде болды. Бұл Алтын орда деген үлкен империяның құлаған сәтінде орын алған. Соның салдарынан әлем картасында жаңа мемлекеттер пайда болды. Сол замандағы көшбасшылардың бірі Қазақ хандығы",  деді Әбдрашев.

"Қазақ елі" фильмінің түсіріліміне мемлекеттік бюджеттен шамамен бір миллиард теңге бөлінген. Сонымен қатар, жобаны меценаттар қолдап отыр. Олар 100 миллион теңге шамасында қаражат жинаған.

"Тарихи картинаны жасау оңай емес, қазір әлемдік дағдарыс кезі. Мұның бәрі әсер етті. Кешіктік, қиындықтар болды. Барлығымыз жұмылып, мақсатты орындағымыз келеді. Үлкен түсірілім тобымыз бұл істі махаббатпен, патриоттық сезіммен істеп жатыр. Біз қыруар қаржы таппаймыз. Алайда әр кадрдың кәсіби шығуы үшін қолымыздан келгенді жасап жатырмыз. Осы ірі жобаның бөлшегі болғаныма қуаныштымын",  деді Әбдрашев.

Фильмнің басты рольдерін Еркебұлан Дайыров (Жәнібек), Қайрат Кемалов (Керей), Аян Өтепберген (Бұрындық), Мейірғат Амангелдин (Қасым), Бекболат Тілеухан (Қазтуған), Досхан Жолжақсынов, Димаш Ахимов, Шұғыла Сапарғалиқызы (Керейдің әйелі), Мадина Ысманова (Жәнібектің әйелі) ойнайды. Сериалға қазақстандық әртістер ғана түспейді, Хакасия, Монғолия, Өзбекстанның актерлері де тартылады. Ал трюктерді танымал каскадер Жайдарбек Күнғожиновтың командасы жасайды.

Дереккөз: tengrinews 
Дайындаған: Серікбол Ерсін
Фото: tengrinews
Қосылған күні: 05 қараша 2015, 13:06

Соңғы аудармалар

Қайсар До Бон Сун  #7
Қайсар До Бон Сун #7

До Бон Сун – ерекше қыз. Өйткені, оның бойында тұқымқуалайтын қасиет алпауыт күшке ие. Ол тек қыздаға беріледі. Бұл қасиеті үшін өзінен ұялатын қыз қалайша барлық қиындыққа қарсы тұра білді? Оған қолдау көрсеткен кім? 

BTS - Go Go
BTS - Go Go

Топ: BTS немесе Beyond The Scene  Дебют: 2013 жыл,...

VROMANCE feat. Obroject -
VROMANCE feat. Obroject - "Ғашықпын" (Fall In Love)

Массагет сайтында жарық көріп жүрген "Қайсар До Бон Сунның" сезімге толы саундтрегін назарларыңызға ұсынамыз. 

--> --> -->