Оқи отырыңыз

Адам тек жаңа туған кезінде, содан соң тек өлер сәтінде ғана бар күнәһарлықтан таза, ақ, адал сезімнің айдынында жүзе алады

Автор: Оралхан Бөкей

— Редактор бағаны —

Массагетте пікір қалдыру мен блог жазу ережесі өзгерді
Массагетте пікір қалдыру мен блог жазу ережесі өзгерді

Автор: Ербол Жұмабайұлы

Статус: Massaget.kz порталының Бас редакторы

Материал жіберу БЛОГ ЖАЗУ

— Үздік әуендер —

Нұржан Тәжікенов - "Сағыныш"
Роза Рымбаева - Алтын сағым
"Тұран" тобы - Kara jorga - people's songм
"Тұран" тобы - The swan - N. Tilendiev
"Тұран" тобы - Kaiys's weeping - poems by S. Kudaiberdiev (the epic of 'Layla and Majnun')
"Тұран" тобы - Zharapazan - people's song - poems by S. Medeubek
Негізгі / Лайфстайл / Мәдениет / Кино / "Кемпір" мен шалдың махаббаты

"Кемпір" мен шалдың махаббаты

Атышулы режиссер Ермек Тұрсынов қазақ көрермендерінің сүйікті актерлерін жұптастырып, «Кемпір» атты комедиясын жұртшылық назарына ұсынды. Фильмнің режиссері де, сценарисі де өзі болған Ермек Тұрсынов: «Мен сценариді кемпір Күлпәштің рөлін Ғазиза Әбдінәбиева ойнайды деп елестетіп отырып жаздым», - дейді, ал кемпірдің шалы Қортық Қайырғалиді сүйікті актерлеріміздің бірі Қадірбек Демесінов сомдады. Ол да фильмге кастингсіз қабылданып, бірден бекітілген екен.


Ермек Тұрсыновтың шығармашылығын бақылап жүрген адам, оның әр туындысында адамның шынайы болмысын, жалпы шынайы өмірді көрсеткісі келетінін аңғарса керек. Ұсынып отырған «Кемпір» комедиясында да аузын кәлимаға келтіріп, немерелерін айналасына жиып алып, даналығын насихаттап отыратын ақсақал мен ақ жаулықты әжені көремін деп ойламаңыз. Тұрсыновтың кемпірі де "Шалы" сияқты ауылдың қарапайым әйелі, өз жасына жиған ақылы, ұяты мен даналығы бар, жалпы айтқанда қазақ әйелінің жинақы образы. Және бұл фильмде атасы мен апасы немересіне ақыл айтып, тәрбиесімен айналысатын тұстарынан, немересі жаңа ғасыр технологиясы мен заңын көбірек үйрететін тұстары көп.

Біздің ұғымымызда адам кемпір мен шал болғанда бала-шағасының қызығын көріп, немерелерін бағып, солардың өмірімен өмір сүреді. Фильмдегі кемпір мен шал да бұған кетәрі емес еді, алайда күтпеген тосын жағдай бәрін өзгертеді. Бұған және шалдың бала кезден келе жатқан екі досы Байбет пен Сәрсенбай да «көмектесіп» жібереді. Әзілі жарасқан достар Қайырғали шалдың шамына тиіп, кемпірі Күлпәштің әлі қыздай екенін айтып, қызғанышын оятады. «Қызғанады, яғни жақсы көреді» дегенді ескерсек, әлі де сезім оты лаулап тұр дегенді білдірмей ме? Жас ұлғайған сайын жұптар бір-біріне туысқандай болып кетеді деген ұғымның парша-паршасын шығарып, режиссер егде жастағы адамдардың сезімін көрсетуге тырысады. Олар қалай жақсы көреді? Олардың сезімін не оятуы мүмкін? Әйеліне ұрсып жақсы көріп үйреніп қалған ерді не жібітуі мүмкін?

Алпысқа тақаған шағында, шал бозбала шағын есіне түсіріп, қайта ғашық болуды, сүюді үйренеді. Үйренгенде де, мектеп жасындағы немересі үйретеді.

Шешеміз қонаққа кетсе, әкеміздің тәбеті жоғалып, көңілі түсіп кететін жағдайлар әр отбасында орын алатын шығар? Фильмнің өзегі де осы, ал сюжеті «Күлсең – кәріге күл» желісіне құралған. Былайша айтқанда, ата мен апамыздың күлкілі қылықтарына құралған отбасылық комедия.

Айта кететіні, бұл фильм Ермек Тұрсыновтың "Келін. Шал. Кенже" деген триологиясына кірмейді. "Кенже" туындысы болашақта жарық көреді. Ал "Кемпір" комедиясын режиссер осы қиын-қыстау заманда, адамдардың жабырқаңқы көңілін көтеру үшін, сонымен қатар Наурыз мейрамына қарсы жақсы көңіл-күй тудыру үшін ұсынуды жөн көріпті. Фильмге шақырылған ресейлік қоюшы оператор Юрий Райский қазақ даласының сұлулығын көрермен назарына барынша жеткізгісі келсе, композитор Қуат Шілдебаев ретро әндерге жаңа дем беріп, туындыға Кеңес фильмдерінің сарынын қосуға тырысқан. Ал жалпы фильм Алматы облысында жиырма үш күнде түсірілген.

Сурет: facebook.com, Анар Мұстафина

Автор: Анар Мұстафина

Дайындаған: Anara Mustafina
Қосылған күні: 12 наурыз 2014, 20:58
Пікірлер
+0
13 наурыз 2014, 08:22

Қызықтырдың, көруге асықпын

+0
14 наурыз 2014, 12:37

Мда...

+0
14 наурыз 2014, 12:39

Ата-анама көрсететін екен...

+0
08 сәуір 2014, 22:15

23 наурыз куни, мен кызыммен танымал режиссер Ермек Турсыновтын "Кемпир" атты фильмин корип, тагы бир осы азаматтын онерине риза болдым. Режисердин ишки жане сырткы дуниеси заманына сай, оз ултынын, елинин турмысын терен сезеди жане биледи. Дарындылыгына шек жок. Окинишке орай, халкымыз демалыс куни шетелдик фильмдерге топ-топ кирип жатты. Ал, биз кирген залда "Кемпир" фильмди 6 адам отырып кордик. Аттен деп, ашиды жаным....

+0
18 қаңтар 2016, 21:29

Киносын кай жерден корсем болад??????????

+0
18 қаңтар 2016, 21:30

интернетте кай сайттан корсемболады???? айтып жибериниздерши

Пікір білдіру:

Пікір қалдыру үшін тіркеліңіз немесе сайтқа кіріңіз.

Әлеуметтік желі арқылы кіру:

Соңғы аудармалар

Қайсар До Бон Сун  #7
Қайсар До Бон Сун #7

До Бон Сун – ерекше қыз. Өйткені, оның бойында тұқымқуалайтын қасиет алпауыт күшке ие. Ол тек қыздаға беріледі. Бұл қасиеті үшін өзінен ұялатын қыз қалайша барлық қиындыққа қарсы тұра білді? Оған қолдау көрсеткен кім? 

BTS - Go Go
BTS - Go Go

Топ: BTS немесе Beyond The Scene  Дебют: 2013 жыл,...

VROMANCE feat. Obroject -
VROMANCE feat. Obroject - "Ғашықпын" (Fall In Love)

Массагет сайтында жарық көріп жүрген "Қайсар До Бон Сунның" сезімге толы саундтрегін назарларыңызға ұсынамыз.