Ол не дейді? (Езутартар)

Жас ұлғайған ерлі-зайыпты адамдар өз көліктерімен бүкіл АҚШ-ты аралап, саяхаттап жүріпті. Көлік тізгінінде отырған кемпір трассада жоғары жылдамдықпен көлік жүргізіпті. Оларды МАИ қызметкері тоқтатқан соң: "Ханым, сіз жылдамдықты асырып жібердіңіз, осыны білесіз бе?" - депті.

Қарт әжейдің құлағы онша естімейді екен. Ол қасындағы шалынан: "Не дейді?" - деп сұрапты.

"Ол сені көлік жылдамдығын асырып жібердің дейді" - депті шал айғайлап.

"Жүргізуші куәлігіңізді көрсем бола ма?" - депті МАИ қызметкері.

"Не дейді?" - деп сұрапты кемпірі шалынан.

"Жүргізушілік куәлігіңді көрсет дейді" - депті шал айғайлап.

"Сіздер Арканзас штатынан келе жатыр екенсіздер ғой. Мен де бұрын сол жақта тұрғанмын және өмірімдегі ең көріксіз әйелді сол жақтан жолықтырғанмын" - депті МАИ қызметкері.

Әжей тағы да түсінбей қалып: "Не дейді?" - деп шалынан сұрапты.

Шал: "Ол сені танимын дейді" - депті айғайлап.

Дайындаған: Сұңқар Ақбоз

Сурет: tooopen.com