Жаңадан ашылған галактиканың құрамында 300 триллион жұлдыз бар

Жаңадан ашылған галактиканың құрамында 300 триллион жұлдыз бар

Wide-field Infrared Survey Explorer (WISE – инфрақызыл көлемді зерттеу құралы) аппараты NASA ғарыш агенттігінің ғарыштағы инфрақызыл телескобының көмегімен бұрын белгісіз болған галактиканы анықтады. Астрономдар 2009 жылы қолдануға берілген телескоп арқылы бізге дейін жеткен инфрақызыл сәулелердің көмегімен ең алыстағы галактиканы ашты. WISE J224607.57-052635.0 атауына ие болған ғарыш нысаны ғаламдағы ең жарық галактика атанып отыр. Себебі оның құрамында шамамен 300 триллион жұлдыз бар екен.

The Astrophysical Journal ғылыми журналында жарияланған мақалада галактика жарығының өлшемі тым үлкен екені нақты айтылған. Ғалымдардың айтуынша, бұл әзірге ешқандай ұқсастығы жоқ инфрақызыл жұлдыздар ордасы болуы мүмкін. Себебі галактиканың таратып жатқан жарығының 99 пайызы инфрақызыл спектрге жатады.

Жаңа ашылған галактика бізден 12,5 миллиард жарық жылына тең қашықта жатыр. Ал бізге енді жеткен инфрақызыл сәулелер аталған галактикадан миллион жыл бұрын шыққанын астрономиялық есептеулер дәлелдеп отыр. Демек, галактиканың айналасындағы жұлдыздардың шоғырлануы осыдан 1,5 миллиард жыл бұрын басталған. Сонымен қатар, ғалымдар WISE J224607.57-052635.0 галактикасының үлкен көлемде сәуле таратуын ескере, жұлдыздар тобының орталығында алпауыт қара ұйық бар болуы мүмкіндігін алға тартып отыр.

Өзге галактикалардың орталығында да қара ұйықтар бар екені белгілі. Дегенмен, олардың сәуле тарату мүмкіндігін жаңа табылған галактика қуатымен салыстыруға келмейді. Ал жұлдыздардың 300 триллионнан астам болуы қара ұйықтың қуатты екенін дәлелдейді. 

Бөлісу:
Пікір қалдыру үшін сайтқа кіріңіз
Өзгерту

Соңғы жаңалықтар

Instagram Reels – TikTok-тың жаңа аналогы
Instagram Reels – TikTok-тың жаңа аналогы
Бала бақшаны қалай дұрыс таңдау керек? i-balaqai жобасында − Лейла Күленова
Бала бақшаны қалай дұрыс таңдау керек? i-balaqai жобасында − Лейла Күленова
Жер бетінен аралар жойылып кетсе не болады?
Жер бетінен аралар жойылып кетсе не болады?
Көлік сатып алушыға 5 кеңес
Көлік сатып алушыға 5 кеңес
Ұлттық құрама капитаны кәсіпқой боксқа ауысты
Ұлттық құрама капитаны кәсіпқой боксқа ауысты
10 тамыз Абай күні болып бекітілді
10 тамыз Абай күні болып бекітілді