Адамдар әлеуметтік желіде контентпен не себепті бөліседі?
Әлеуметтік желі қолданушылары өздерінің жазбасымен бөлісуге дайын. Ipsos компаниясы адамдар неге әлеуметтік желілерде контентпен бөлісетіндіктерін анықтау мақсатында әлем бойынша онлайн сауалнама жүргізген. Нәтижесінде қолданушылардың 61 пайызы "қызықты бір нәрсемен бөлісу үшін" жазбаларымен бөліседі екен. Контентпен бөлісудің себептері - "маңызды нәрселер жайлы айту" (43 пайыз), "күлкілі нәрсемен бөлісу" (43 пайыз).
Сонымен қатар, әлеуметтік желі қолданушылары "маған не нәрсенің маңызды екенін басқаларға көрсету және шын мәнісінде мен кіммін" (39 пайыз), "қызметті, фильмді, кітапты және тағы басқа нәрселерді ұсыну" (30 пайыз), "қандай бір істі, ұйымды, пікірді қолдау" (26 пайыз) мақсатында жазбаларын жариялайды-мыс.
Онлайн сауалнамаға әлем бойынша 18 мыңнан астам 16-64 жас аралығындағы әлеуметтік желі қолданушысы қатысқан.
Дайындаған: Ерғали Елдос
Сурет: brandingpersonality.com
