Уақыт - Ақша

Уақыт - Ақша

Қала ырғағында өмір сүріп жүрген адам үшін (яғни уақыты тапшы) уақыт - таптырмас байлық. Осындай байлықты босқа жұмсау-нағыз дөкірлік деп санаймыз. Заманауи адамның әрбір минуты  санаулы. «Үнемделген уақыт – қалтадағы артылып қалған ақшамен тең»-деген сөз қала ырғағында өмір сүріп жүрген адам үшін айтылған бос сөз емес, нағыз ақиқат. Уақытыңызды яғни ақшаңызды босқа жаратпас үшін бірнеше ереже ұстанған жөн. Бұл ережелердің басты негізі-интернет ақша аударымдары. Қаражатымызды бірге үнемдеп көрейік.

Киім-кешек

Киім-кешек сатып алу процесі - уақытымыздың біршама бөлігін алып қана қоймай, жүйкемізге тиіп, күш-қуатымызды сарқып алатын іс. Бұнымен тек әйел адам дауласса керек. Дүкенге кірдің-сатып алдың - бұл өте тиімді шешім. Бірақ біз кішкентай бала емеспіз, өмірде бұндай ертегілер кездеспейді, өкінішке орай. Киім-кешек сатып алу үшін бұл іске моральды тұрғыда дайындалып, дүкенге келіп, киіну бөлмесі мен кассаға үлкен кезекке тұру қажет. Жоқ, бұл нұсқа уақыты тапшы адамдарға, яғни сен үшін тиімсіз болғаны. Бұл мәселені шешу үшін интернеттің көмегіне жүгінсең болады. Үйде компьютердің алдында отырып, серіктесіңнен өте маңызды хабарды күтіп, қатарынан электронды каталогты ақтара аласың. Қалаған киіміңді таптың ба? Егер керекті өлшемдерді білсең, оны виртуалды түрде шақтап көру кажет. Бәрін интернет арқылы төлеуге болатыны жайлы айтпасақ та, түсінікті. Тауарларды web money, кредит картасы мен қолма-қол ақша арқылы сатып ала аласың. Бұндай істің айтарлықтай артықшылығы – ешкімде жоқ, эксклюзивті киім сатып алу мүмкіндігі.


Тамақ

Әріптестеріңді немесе дос қызыңды таң қалдыру мақсатымен газ плитанын алдында тұрып, тамақ пісіру шеберлігіңді оларға мақтанышпен көрсете аласың. Бірақ,  сорпаны дайындау үшін қанша уақыт керектігін білесің бе? Оны сен де, біз де білмей ақ қояйық. Тез, әрі пайдалы тамақ сүйер қауым үшін  онлайн-дүкендер ұйымдастырылған. Интернет арқылы тапсырыс беріп, азық-түліктің ұзын тізімі туралы ұмытсаң болады. Үйіңе кенеттен қонақтар келе қалса, пицца немесе сушиға тапсырыс берсең, ұятқа қалмайсың. Ең бастысы, тапсырыс бергеніңді ұмытпау.


Жұмыс

Көптен бері армандап жүрген фотоаппаратқа қол жеткізіп, пайдалану нұсқауын оқуға уақыт таппадың ба? Фотоға түсіру интернет-курстарына жазыл. Олардың жұмыс істеу принциптері төмендегідей: мұғалімдер саған дәріс оқып, тапсырмалар жібереді. Ал сен берілген тапсырманы орындап, интернет пошта арқылы жібересің. Әдетте, бұндай мектептерде тіркеліп, ақшасын төлеп болғаннан кейін видео сабақтар қолжетімді болады. Кәдімгі толыққанды қарым-қатынас болмағанымен, өте ыңғайлы шешім деп санаймыз.

Тұрғын үй мен байланыс

Кеңес өкіметі кезіндегі коммуналды қызмет төлеушілердің ұзын кезегін есіңізге түсіріп көріңізші. Бұндай бітпейтін кезектерде тұрып, уақытын текке жұмсайтын адамдар бар ма арамызда?  Енді үйден шықпай, интернет арқылы төлемдерді жүргізуге болады. Бұны іске асыру үшін түбіртекті толтырып, құпия кодты енгізгеніңіз жеткілікті. Айтпақшы, интернет пен ұялы байланысты төлеу үшін бұл қызметті пайдалануға болады.


Жоғарыда айтылғанның бәрін жайлы диванда жатып алып, орындай аласыз. Қаншама уақытты үнемдей алатыныңызды көз алдыңызға елестеттіңіз бе? Бұл уақытты маңызды істеріңізге, жанұяңызға, достарыңызға, жолдасыңызға бөле аласыз. Уақыттың ақша екендігін ұмытпағаныңыз абзал.

Сурет mobilmusic.ru, bankcards.su