Бернард Шоудың қанатты сөздері

Аяулы оқырмандар! Назарларыңызға Нобель сыйлығының иегері, талантты британдық жазушы Бернард Шоудың (1856-1950) қанатты сөздерін ұсынамыз.

• Осы айдың аяғында мен 56 толамын. Бірақ мен әлі есеймегенімді байқап жүрмін.
• Отбасылық өмір екі жастың басына көп міндеттер мен парыздар жүктейді. Әр адам соған дайын болғаннан кейін үйлену туралы шешімге келгені дұрыс.
• Өз қорқынышының құлы болудан артық қорлық жоқ.
• Тірлікте қорқатындарға ғана қатер келеді.
• Өз ойының дұрыстығына сенімді адамның сөзі анық болады.
• Ұстамдылық - адам бойындағы ең асыл қасиет.
• Білім алудың ең оңтайлы жолы - сол салада жұмыс істеу.
• Бұзылған адамдар -жүрегінде махаббат оты жоқтар.
• Өмірдің шын қуанышы пайдалы іспен айналысып, өмірде өз орныңды таба білу.
• Әр адам өзінше ойлап, кез келген нәрсеге өз көзімен қарауға құқылы.
• Адам баласы еңбексіз өлікке айналады.
• Жастық - тірліктің ең үлкен сыйы. Бұл сыйды ерекше ұқыптылықпен пайдалана білелік.
• Менің өмірдегі ең басты саясатым - таспен ұрғанды аспен ұру.
• Менің ұстазым - өмірде жасаған қателіктерім.
• Кекшілдің - қорқақтың ісі.

cурет: guardian.co.uk