Сұрақ белгісіне мысалдар және оның дұрыс қойылуы

Сұрақ белгісіне мысалдар және оның дұрыс қойылуы

Сұрау белгісі "Пунктуация" бөліміндегі ең оңай тыныс белгі тәрізді көрінеді. Алайда мұның да қолдану аясын шатастырып жатамыз.

Сұраулы сөйлем жасайтын:

• Кім, не, қашан, қандай деген есімдігі бар сөйлемде
• Ма, ме, ба, бе, па, пе, ша, ше шылауын жазғанда
• сірә, шығар, ә деген одағай тұрған жерде сұрақ белгі ҚОЙЫЛАТЫНЫ белгілі.

Ал мынадай жағдайда сұрау белгісі ҚОЙЫЛМАЙДЫ:

– ма, ба шылаулары сөйлемнің ішінде келіп, деп деген сөзбен жалғасса;
(Көзәйнегім сынып қала МА ДЕП уайымдадым)

– Сәлемдескенде айтылатын сұраулық шылауы тұрса;
("Сәлемет пе, қалқам", - деді ғалым)

– Құрмалас сөйлемнің бірінші бөлігі ғана сұрау мәнінде келсе;
(Жирафтан қорықты МА, әйтеуір, дірілдеп кетті)

Ең жиі кездесетін қате:

– ??? Сұрақ белгі біреу ғана болады. Тек көп нүкте мен леп белгісі қатарынан үш рет қойылуы мүмкін, ал қанша жерден таңданыспен, эмоциямен сұрап тұрсаңыз да, сұрақ белгіні 2-3 рет қатарластырып қою дұрыс емес.

– Хабарлы сөйлемнің соңына сұрау белгісін қоя салғаннан, ол сұраққа айналып кетпейді.

Мысалы:
• Мен? (емес). 
Дұрысы: Мен бе?

• Тоқал алу туралы бәйбішеңнің пікірі? (емес)
Дұрысы: Тоқал алу туралы бәйбішеңнің пікірі ҚАНДАЙ?
Тоқал алу туралы әңгіме қозғағанда бәйбішең НЕ дейді?

• Трактор бұзылғанда да осы әдісті қолданамыз? (емес)
Дұрысы: Трактор бұзылғанда да осы әдісті қолданамыз ба?
Трактор бұзылғанда бұл әдісті ҚАЛАЙ қолданамыз?




ОҚИ ОТЫРЫҢЫЗ

Соңғы жаңалықтар