ҰБТ электронды форматта өтіп жатыр

ҰБТ электронды форматта өтіп жатыр

Тестілеуді өткізу кестесіне сәйкес бүгін еліміздің 12 аймағында Ұлттық бірыңғай тестілеу электронды форматта өтіп жатыр. Ал Нұр-Сұлтан қаласы мен Батыс Қазақстан облысында тестілеу 12 наурызда, Атырау, Қарағанды және Павлодар облыстарында 15 наурызда басталады.

Бұған дейін көктем айындағы тестілеу тек 10 күнге созылса, биыл қатысушыларға 1 ай уақыт беріліп отыр. Пәндер саны әдеттегідей бесеу: үш міндетті және екі бейіндік пән бойынша тестілеу жүргізіледі. Тестілеуге жалпы 4 сағат (240 минут) беріледі. Максималды балл – 140.

Тестілеу электрондық форматта "бір тестіленуші – бір компьютер – бір камера" қағидасы бойынша өтуде. Сондай-ақ прокторинг жүйесі қолданылып, бейнебақылау орнатылған. Тұлғаны цифрлық сәйкестендіру жүйесі – Face ID ҰБТ-ға қатыспақ болған бөтен адамдарды анықтауға мүмкіндік береді.

Айта кетейік, наурыздағы ҰБТ-ның сертификаты жоғары оқу орындарының ақылы бөліміне түсуге ғана жарамды.




ОҚИ ОТЫРЫҢЫЗ

Соңғы жаңалықтар