Қазақ қызы "Ресей аруы - 2013" атағын жеңіп алды

Мәскеуде өтіп жатқан арулар байқауы өз мәресіне жетті. «Ресей аруы – 2013» атағын қазақ қызы Эльмира Әбдіразақова жеңіп алды, деп жазды "Айқын" басылымы. Бүкіл халықтың назарын аударған он сегіз жастағы қандасымыз Междуреченск қаласының тұрғыны екен. Ол Новосібірдегі Сібір Жол қатынастары университе­тінің студенті. Туған жері – Қа­зақстан. Үш жасында ше­шесімен Ресейдің Куз­басс өлкесіне қоныс аударған. Алғашында өзі оқитын Новосібір қаласында бол­ған арулардың бәйгесін­де көрермен көзайымына айналған сұлу Мәскеуде өтетін бүкілресейлік ару­лар байқауына жолдама алған-ды. Оның басына ки­гізген тәжі таза ақ алтын, жақұт, бриллиантпен апталған, құны миллион доллар­дан жоғары екен. Оған қоса, 100 мың АҚШ доллары және Hyun­dai Solaris жеңіл көлігіне ие болған ару алдағы уақыт­та Ресей атынан «Әлем аруы» және «Ғаламшар аруы» байқауына қатысуға мүм­кіндік алған.

Дайындаған: Мейіржан Әуелханұлы

Сурет: itar-tass.com