Ташкентте 15 метрлік лаваш дайындалды
Фото:
sputnik.kg
Өткен демалыс күндері өзбекстандық аспаздар ұзындығы 15 метр 20 см болатын елдің аспаздық тарихындағы ең үлкен лавашты дайындады.
«Тағамды дайындау үшін арнайы істікте 310 келі таңдаулы сиыр еті қуырылды. Сондай-ақ, бірнеше қап ұн, 5 келіден қияр мен қызанақ және 15 литр арнайы тұздық қажет болған. Бұл тағамға арналған етті 7 сағаттан астам қуырдық, ал лавашты 30 аспаз бірігіп аудардық», - дейді аспаздық шоуды ұйымдастырушылар.
Лаваш диаметрі әдеттегідей, 10 см сәл ғана асады. Келген қонақтарға 150 бөлік лаваш тегін таратылды.
Дереккөз: inform.kz
Е. Жұмабайұлы